Ratz Blanchard, le cap de La Hague

LA COSMOGRAPHIE

Et au droict de ce havre de Sainct Michel, en la mer, y a une petite isle, là où ceulx de Granville gardent leurs F»5or». navires, en ladicte isle. A Pont Orsson ' commence la duché de Normandie, et achève celle de Bretaigne. Bretaigne est une bonne terre fertille de bledz, et de tous vivres, excepté que il n’y a guéres de vin en la Basse Bretaigne. Geste nation de gens, par la plus grand part, sont petites gens trappuz et fortz et adonnez à travail et penne, mesmement à Fart marin. Du goulphe de Sainct Michel jusques aux Ratz Blanchart y a vingt lieues, et la route est nord est et surouest et prent un quart de l’est et ouest. Et est coste dangereuse de basses roches. L’eau y court en grand manière et haulse et baisse fort et n’est pas bonne pour passer grandz navires. Toute ceste coste, s’appelle la Basse Normandie. Le travers de ceste coste cinq ou six lieues en la mer, y a cinq ou six isles qui sont de la nation de Normans et sont de l’evesché de Cottances - et tiennent pour les Angloys. Passé le Ratz Blanchart, tourne la coste norouest et suest et prent un quart de l’est et ouest jusques à la rivière de Cans Cans est une bonne ville, la principalle de la Basse Normandye.Et icy est inhumé le duc Guillaume qui conquesta l’isle d’Angleterre. Ce pays de la Basse Normandye est terre fertille et y a en F- 5o V». elles de gaillardes gens tant hommes que femmes. Le Ratz Blanchart est par les cinquante degrez et trois quartz de la haulteur du polie articque. Et lesdictes isles sont par les cinquante et ung degrez. Et la rivière de

1. En tête du folio 50 figure une carte avec ces légendes : Le pays de Gaux, la Basse Normandie, le mont Sainct Michel, la coste Sainct Mallo.