I. Honfleur

LA COSMOGRAPHIE

France à cause quelle est plus vers le septentrion. Et de Ché de Caux, où est la ville Françoise, à Calis ' qui est le commencement de la terre de Flandres, y a trente et cinq lieues, et la coste gist nordest et surouest et prent un quart de l’est et ouest. Et, au norouest et au nord nordest de ceste coste de Normandie et Picardie, sont les isles d’Angleterre et Hirlande et Ecosse, de quoy nous parlerons après. Et entre le Ché de Caux et Calis est la rivière de Diépe qui est une petite rivière, là où il habite forces navires, et la rivière de Somme qui passe à Péronne et par la Picardie, et vient descendre en la mer à Sainct Vallery et au Courtoys qu’est une bonne rivière fertille. Car elle passe par les meilleures villes de Picardie. Et aussy y a le port de Boulongne. Boulongne est une forte ville et une des clefz de France. La ville de Diépe est par les cinquante degrez et un quart de la haulteur du polie articque. Sainct Vallery où descend la Somme est par les cinquante degrez et demy. Ladicte ville de Boulongne est par les cinquante et ung degrez de la haulteur du polie articque. Davant Boulongne, en la mer, deux ou troys lieues, y a de maulvais rochiers et baptures qui sont dangereux pour navires. Sur Boulongne et, en ceste coste, la terre est haulte en bonne manière. Ceste Picardie est une terre fort fertille de tous vivres et les gens d’icelle sont belles gens tant hommes que femmes, et sont vaillans et fort belliqueux, et soubstiennent fort leur prince. Et de Calis à l’isle d’Angleterre n’y a que sept lieues. Les Picars par la plus grand part ont leurs grandz jours et nuictz

1 . Calais. Ché de Caux est appelé Chef de Caux, sur la carte qui figure au folio 44 ci-dessus.