Le Havre de Grâce

Alfonse

LA COSMOGRAPHIE

du cousté devers le su, la ville de Honnefleu ^ qui est fort renommée par toutes les parties du monde. La ville de Honnefleu est par les cinquante degrez moins dix F“5i r. minutes de la haulteur du polie articque. Est nommée, ladicte ville, Honnefleu, parce que, en elle, y a tousjours eu des meilleurs mariniers de France et habitent en elle grande quantité de navires. Toutesfoys, à ceste heure, l’on va plus à la ville Françoyse à cause du havre qui est bon. Et du cousté de ladicte ville est aussi la ville de Herfleu qui est port de mer. Et ainsi que la rivière de Senne est fort peuplée de bonnes villes et de forces navires, aultant et plus que rivières du monde, Paris est la plus grande ville de France et la plus noble du monde, et, comme j’ay dict, est à quarente buyt degrez et demy,et est en la meilleure partie de climat, en quoy elle est, qui est le septiesme dune ; et fut premièrement édifiée par ung nommé Paris, et est une ville, pour raison de son climat, là où femmes et aultres choses multiplient plus que en nulle autre partie. Et autour d’elle pour raison de son climat, et, en elle, est tout le gouvernement du royaulme. Car ainsi Dieu le veult, le Roy et la bonne loyaulté des habitans d’elle.

Rouan est la plus belle ville et la principalle de toute la Normandie. Ceste duché de Normandie est la plus riche et la plus peuplée du royaulme de France et sont gens qui mieulx secourent leur prince, tant par mer que par terre, et sont bons françoys, et sont belles gens tant hommes que femmes et bien dispostz et gens de guerre. En ladicte duché ne se cuillent guéres vins. Ains usent F» 5i V». et font forces bons citres. La terre est plus froide que