Berlin

LA COSMOGRAPHIE

il les mist en telle nécessité qu’ilz furent contraintz finablement s’accorder avec luy,' L’accord fut tel qu’ilz seroyent subgectz à l’empire romain sans toutesfoys, pour ce, luy payer aulcun tribut. Toutesfoys que nous voyons encores de présent que beaucoup d’iceulx ne sont subgectz audict empire et ne payent aulcun tribut

Geste terre est stérille à cause quelle est de haulte montaigne, et ausdictes montaignes y a forces bestes saulvaiges de toutes sortes, et y a en elles mynes de fer et d’acier et mynes d’argent. La province de Boasme est toute environnée de haultes montaignes et en icelles y a forces bestes saulvagines. Et au dedans desdictes montaignes la terre est belle et platte, fort fertille de tous vivres, excepté de vins, et font leurs vins de servoise, de quoi ilz beuvent. Et y a force bestial de toutes sortes, lequel est fort grand, plus que d’aultres régions, et y a forces herbaiges pour ledict bestial. Et en ladicte terre y a de beaulx estangs et de belles rivières, là où il y a abundance de poissons de toutes sortes, et y a, en ladicte terre, une ville qui s’appelle Prade ", et par elle passe la rivière d’ Albin, qu’est belle ville grande. Et ne fut jamais qu’il n’y eust en elle maulvaises oppinions contre l’église de Romme. Et en ceste rivière qui passe par ladicte ville de Prade, se trouve de l’or fin en quantité. Ees gens sont grandz hommes et vaillans les plus bilesqueurs de toute les Almaignes, et est ung royaulme sur soy, et n’obéit à l’empereur ny à nul prince que au sien. Et en oriant d’elle est la province de Morbye ^ qui

1. Ici est une carte avec les légendes : Norovesgue, Danzic, Germanye (deux fois).