Moravie

LA COSMOGRAPHIE

est une bonne terre, bien tempérée et fertille. En laquelle province y a forces Eelles villes et bien peuplées. Et du cousté de Faustre midy est la rivière Adore ' qui descend entre la Germanie et Dazie, et de la rivière Odore jusques à la rivière Misolle ^ y a trente lieues. Et ladicte rivière Misolle descend en la mer de Dannemarc. Et de ladicte descente de la rivière, en la mer, tourne la coste l’est et ouest, et prent ung quart de nordest et surouest. Et entre ces deux rivières sont les provinces de Pomère ^ et Polone la grande. Ladicte rivière descend des montaignes appelées Artanyes d’où est la province de Pèlonye ^ la petite, et la Marsonnye ^ et Roussye sont auprès de ceulx icy. Et entre les montaignes appelées Sarmaticques 7 et les montaignes appelées Rouffées, Péloigne est ung royaulme et n’est pas grand. Toutesfoys il est bien peuplé et de bonnes villes et sont bonnes gens et sont de bonne complétion et amyables aux estrangiers. La terre est bien fertille et y a en elle mynes de lèton et de plomb et de cuyvre. Et n’ont point de vin s’il ne vient d’aukre pays et beuvent cervoise. Et ont de belles rivières et de beaulx estangs esquelz y a abundance de poissons de toute sorte. Et en ceste province y a des plus beaulx chevaulx de toutes les Allemaignes ciu septentrion. Et de ladicte rivière Missale ^ jusqu’à la rivière Mamon y a trente et cinq