I. Islande

LA COSMOGRAPHIE

fort montaigneuse, esquelles y a plusieurs bestes saulvaiges. Norovégue est terre froide et est fertille de chair et poisson. En ces trois provinces y a beaucoup de pelleteries de martres et martres soubelines et hermines et aultres fourrures. Geste terre tient à la terre du Laborador ‘ qui est entre la Terre Neufve et elle, la plus prés de la Terre neufve, et y a de l’une à l’aultre quatre cens lieues, et tout sont terres entre l’un et l’aultre; et y en a aulcunes desdictes terres qui ont gens qui ont queuhes et visaiges de porceaulx, et le reste d’homme, et sont les plus prouchaines cà la Terre Neufve et à la terre du Laborador; et font leurs maisons dessoubz la terre et les doublent de tables de sappins et d’aultres choses. Et en toutes ces terres croist forces seigles et avenues. Entre la terre du Laboureur ‘ et la Terre Neufve y a une grand mer d’eau doulce et ne sçait l’on où elle va. Toutesfoys je pense quelle va jusques soubz le polie. Et d’icy sortent les grandz glaces qui vont à la Terre Neufve. Norovergue et la terre du Laborador, qui est dict Laboureur, sont l’est et ouest et prenent ung quart de norouest et suest. Et sont haultes terres fort montaigneuses où il y a plusieurs sortes de bestes saulvaiges ; et est tant froide, la terre, qu’il est impossible que nul de nostre nation ny d’aultre d’Europe y sceust habiter. Et en ceste coste est l’isle d’Islan ^ qui est peuplée de gens et tient du roy Dannemarc, environ cinquante lieues de la terre ferme, et beaucoup d’aultres isles, et est, ladicte isle, instituée nord et su, avec l’isle d’Ybernye, appellée Irlande. Ladicte isle d’Islan est bien peuplée de belles gens et y a forces pescheurs alentour