Fowey. En face est une roche, Gull Rock

LA COSMOGRAPHIE

mue ' qui est bon port. Et par le meilleu y a une roche haulte en fasson d’un basteau et peuvent passer navires de tous les coustez d’elle. Et de ce port au cap de Cornouaille ^ qui est le bout de l’isle d’Angleterre, y a huyt lieues, et la coste gist, passé le cap de Lizard, l’est suest et ouest norouest. Ledict cap de Cornouaille est par les cinquante deux degrez et trois quartz de la haulteur du polie articque, et à l’ouest surouest dudict cap sont les isles de Surlingue qui sont quatre ou cinq petites isles, et sont dix lieues de la grande terre, et sont toutes environnées de rochiers, et sont par les cinquante et deux degrez de la haulteur du polie articque et sont norouest et suest avec l’isled’Ouessant, et y a entre luy et l’aultre trente et cinq lieues. Et à demie lieue dudict cap de Cornouaille y a ung maulvais rochier couvert ^,et en l’est suest desdictz Surlingue ■+, environ deux ou trois lieues, y a ung aultre rochier qui s’appelle Osest et a quarente brasses d’eaue au pied de luy.

Tournant à la rivière de Londres, je ditz que elle est bonne rivière et navigable de tous navires jusques à une lieue de la ville de Londres. Londres est la principale cappitalle ville d’Angleterre, et est fort peuplée de gens, et y habitent forces marchans estrangiers à cause des fins draps qui se font en elle, et d’aultres marchandises que lesdicts marchans estrangiers y apportent, dont ceulx de ladicte ville ont faulte. La terre d’Angleterre est fer-