Iles Sorlingues, aujourd’hui Iles Scelly

5. Le rocher nommé par Alfonse, Osest, est le Wolf Rock ou le Loup. Lq ’K^eptune de 1798 indique bien une profondeur de 4o brasses à son pied

sud.

LA COSMOGRAPHIE

tille de bledz, chairs et poissons, et y a en elle forces ouailles de laines fines que l’on trafîicque par toutes les parties d’Europe. Et en ceste isle se trouve de l’or fin et y a mynes d’argent, d’estain et de plomb, et si trouvent pierres d’agathes fines, et ne croistenelle vins ny huille, et font forces bières de quoy boyt le commun peuple, et vont quérir vins aux aultres pays, et aussi on leur en adméne. Les gens sont bien dispotz, grandz hommes, fort superbes, et ne croyent point qu’il y ayt aultre meilleur que eulx, et sont fiers comme lyons, et sont cruelz auxestrangiers, et ne sont pas fort obéissansà leur prince. Et d’icy fut Merlin qu’estoit grand devineur. Au temps passé ladicte isle fut peuplée de géans, et, après la destruction de Troye, y vint ung cappitaine nommé Brutus, avec certaines gens de Troye, et descendit en elle et lamistà sa sugétion,et mist lesdictz géans hors d’elle, et en mémoire de son nom fut ladicte isle appellée la Grande Bretaigne. Et après la conquestérent les gens de Gozie et Dazie, et ceulx cy la nommèrent AngUa qui est à dire en notre langue françoise, Angleterre. Et, certain temps après, la conqueste ung duc de Normandie nommé le duc Guillaume et ne luy mua point son nom. En ceste dicte terre y a une manière d’arbres que quant la feulle d’iceulx tumbe en l’eaue, se convertist en poisson, et si elle tumbe sur la terre se convertist en oyseau. Du cap Double jusques cà l’isle d’Escosse y a cinquante lieues, et la route est nord et su. Et la coste au long la terre est dangereuse de bans et baptures. Ledict commancement d’Escosse, là où il faict la séparation, est par les cinquante cinq degrez et demy de la haulteur du polie articque. Escosse se départ d’Angleterre par une petite rivière qui faict la séparation de

LA COSMOGRAPHIE

Fung et Faultre. Escosse a de largeur soixante lieues et aultant de longueur. Geste isle d’Escosse est carrée et chacune des carrés a soixante lieues de longitude, et est, selon Angleterre, lertille. Toutesfoys elle n’est pas si grande et est de cinquante cinq jusques à soixante degrez de la haulteur du polie articque. Angleterre est de cinquante ung jusques à cinquante cinq degrez et demy de la haulteur du polie articque. Et au nord d’Escosse y a vingt ou trente isles tant grandes que petites et sont depuys soixante et ung degrez jusques cà soixante et ung et demy de la haulteur du polie articque, et sont toutes peuplées de gens saulvaiges qui sont subgectz au roy d’Escosse, et sont vaillans gens. Geste terre d’Escosse, les gens sont vaillans gens et bien dispostz et amys des Françoys. La terre est bien fertillede bledz et de bestial et de poissons. Hz n’ont guéres de boys. Et au meilleu de l’isle y a ung lac d’eaue doulce. L’on veult dire que en ceste isle est la fosse sainct Patris que l’on dict estre ung purgatoire.

63 V». Geste Escosse ' est celle en laquelle on dict et afferme, par vérité que est le trou de sainct Patris, par lequel on descend par une fosse en bas, et ne sçait on comment. Gar ainsi que dient aulcuns, c’est secret de Dieu, dont il ne se fault trop enquerre. Auprès de ceste isle, y a une aultre petite isle peuplée de gens là où les hommes ne peuvent jamais mourir, comme l’on dict. Et quant ilz sont fort vieulx et qui ne se peuvent plus aider, et que ceulx delaterre s’en annuient, ilz les portent à lagrande isle pour illec finir leur vie. Geste isle d’Escosse, devers la partie du nord, a forces aultres isles qui sont toutes peuplées de gens qui sont vaillans gens, et sont

I. En tête du folio 63 verso, une carte de « l’isle d’Escosse. »

LA COSMOGRAPHIE

comme saulvaiges, et sont bien obéissans à la grande terre d’Escosse. Et de la partie d’occident de ladicte isle d’Escosse tient l’isle appelée l’isle d’Ybernie qui à présent s’appelle Yrlande, qui a de longitude quatre vingtz lieues et cinquante lieues de latitude. L’isle d’Escosse et ceste icy sont instituées nord et su. Et l’isle d’Angleterre, la plus grande partie, est l’est nordest et ouest surouest, et ï’aultre partie qui reste, est aussi instituée nord et su. Et entre Angleterre et Irlande la mer est une manche qui vient de la mer Occéane, et est fort dangereuse de bans et rochiers. Et y a aulcunes isles ' princippallement l’isle de Main ^ qu’ est une isle bien peuplée de gens d’Angleterre et y a alentour d’elle forces pescheries de harens. Et en ceste dicte manche y a fort grand courant de marées qui sont différantes de celles de l’aultre manche entre Angleterre et Bretaigne. Ceste manche s’appelle la Soumerne (ou p/zz/d/Soumerue), et l’aultre qui va à Brest s’appelle la manche de Sainct George. Et ceste cy est dangereuse pour raison qu’elle n’a poinct d’ouverture que par ung cousté. Et du cousté devers occident de l’isle d’Irlande y a forces petites isles, et du cousté de la Manche n’y en a pas tant. Ceste isle d’Irlande a les meilleurs portz pour navires de toute la mer Occéane, et y a en elle bonne pescherye de saulmons, merluz et aultres poissons. En la terre y a forces herbaiges et force bestial à corne. Les gens sont grandz hommes plus que aux aultres isles et sont tousjours en guerre les ungs avec les aultres. Ceulx d’Escosse et eulx ont quasi une mesme manière de vivres. Leurs femmes par la plus grand part

1. En tête du folio 64 recto, une carte de « l’isle d’Irelande. »