Cap Palos

LA COSMOGRAPHIE

Mourse ' jusques à la ville de Desnye ^ . Et cecy est Cartaige la mineur ^ dont est faicte mention és livres des Istoires et en la Cosmographe. Et en ceste terre on arrouse les bledz avec de l’eaue parcequ’il n’y pleut guéres. Les gens de ce pays sont bien dispostz et belliqueux. Du cap de Paul au cap de Martin y a trente et cinq lieues, et la coste gist nord et su, et prent ung quart de nordest et surouest. Et ledict cap de Gathe est par les quarente degrez et demy de la haulteur du polie articque. Du cousté d’occident dudict cap, environ cinq lieues, est la ville d’Allicant, et entre Allicant et le cap, y a cieux petites isles au long la terre, et du cousté d’occident d’Allicant, environ sept ou huyt lieues, est le port de la Matbe, là où il se faict force sel, et se faict du soleil et de l’eau sallée, et se faict de soy mesme. Du cap de Gatte à Denye y a six lieues. Denye est une bonne ville et est bon port. Et icy viennent poser l’ancre les navires qui vont à la rade de Vallence. Et d’elle à Vallence, y a douze lieues. Et en Denye achève la province de Mourse et commence celle d’Arragon, et la coste gist norouest et suest jusques à la ville de Vallence. Vallence est à quarente et ung degrez de la haulteur du polie articque, et est une bonne ville, la meilleure de la province d’Arragon et est fort délectable de toutes choses, subgecte à luxure, tant hommes que femmes. Et en ceste coste, au dedans de la mer, sont les isles de Montcallabret ^ qui sont petites isles, là où vo-