Iles Columbretas

LA COSMOGRAPHIE

luntiers se tiennent fustes de Turcs et de Maures. Et, plus avant en la mer, est Fisle d’ Y vesse et la Fourmentère. Yvesse ' est une bonne isle et bien peuplée et est en la haulteur de quarente degrez moins quinze minutes du polie articque. Et à l’est d’elle, douze lieues, est la grande isle de Maillorque- qu’est une bonne isle et ung grand peuple, et se cuillent en elle forces huilles d’olif, et est depuys trente neuf degrez, jusques à trente neuf et trois quartz de la haulteur du polie articque. Et en l’est nordest d’elle est l’isle de Menorque qu’est une aultre bonne isle, et est en la haulteur de quarente degrez de la haulteur du polie articque, et sont toutes isles bien peuplées.

F“ 66 V». Le cap de Martin et le cap des Alphagues sont nord et su. Et y a de l’un à l’aultre trente lieues. Davant le cap des Alfagues, y a deux petites isles et aulcuns rochiers. Le cap des Alfagues est par quarente ung degré et ung quart de la haulteur du polie articque. Du cap des Alfagues au cap de Barselonne y a vingt et cinq lieues, et la route gist l’est nordest et ouest surouest. Et entre les deux est le port de Tortouse. Et dudict port de Tortouse à Barselone n’y a que douze lieues. Et en cedict port de Tortouse descend la rivière d’Ombre laquelle vient des montaignes appelées Sanctillanne et passe par la province de Catabrye. A ceste rivière descend la plus grand part des eaues venans du royaulme de Navarre, semblablement d’Arragon, Cathalogne et des montaignes Pirinées. Et est une des deux plus grandz rivières d’Espaigne. Dudict port de Tortouse jusques à Barselone y a douze lieues, comme