Alfonse met Vienne en amont de Lyon

LA COSMOGRAPHIE

phiné en France. Toutes ces terres sont fertilles aultant que terres du monde. Et veult l’on dire que le royaulme de France est une terre de promission (on plutôt permission), et si bonne terre que tout le monde en a envye, et nous convient la bien garder moyennant que Dieu nous ayde. D’Aigue Morte à Marseille y a vingt et deux lieues et la coste gist l’est et ouest et prent ung quart de norouest et suest. Marseille est bon port et bonne ville, forte, bien renommée et une des clefz de France, et davant elle y a troys petites isles et aulcuns rocbiers à l’entour d’elle et à la terre d’elle. Ladicte ville de Marseille est par les quarente et trois degrez de la haulteur du polie articque, et en la mer, à deux ou trois lieues desdictes isles, y a une aultre isle qui est dangereuse pour navires, et est toute environnée de rochiers, et y a dessus elle, pour la congnoistre, une tour. Et en ceste coste de Provence se faict du sel. Marseille soulloit estre gouvernée par sénateurs, ainsi comme estoit Rome par justice égale et à ceste (sic) ' est gouvernée selon les ordonnances du Roy. De Marseille à Thoulon y a douze lieues, et la coste gist norouest et suest, et prent ung quart de l’est et ouest.Tholon est bon port et est par les quarente deux degrez et demy de la haulteur du polie articque. Et de Toullon cà cap de Pars (ou Parez) y a six lieues. Et icy commence la province de Savoye. Et en coste y a une bande d’isles qui s’appellent les iles d’Héres -, et sont par les quarente deux degrez et demy de la haulteur du polie articque et sont toutes environnées de rocbiers. Toutesfoys y a en elles de bons portz. Et de ces isles à Gennes y a cinquante