Hyères

LA COSMOGRAPHIE

cinq lieues, et la route est nordest et surouest. Et entre les deux est la duché de Savoye qui tousjours a tenu de France. Et la première ville de ladicte province est Villefranche qui est bon port, et la ville de Nice qu’est une bonne ville et le chasteau de Moingne ' qui est le plus fort chasteau de toute la coste. Et icy commencent les montaignes d’Alpes et vont jusques auprès de Savonne, et de là s’en vont en Allemaigne. Toute cette coste est tort haulte. Savonne et Gennes sont par les quarente six degrez de la haulteur du polie articque, et sont bonnes villes riches. Les montaignes Alpes commencent entre Moingne et Savonne et vont jusques en Allemaigne et à la Germanie, et jusques au septentrion. Et selon les provinces changent leurs noms, et vont contre le septentrion jusques à la montagne Adule. Et descend d’elle, du coustè d’occident, la rivière du Rin et la rivière du Rosne, et du coustè d’orient en descend la rivière de Dènubre et va descendre en la mer Olipont -,et en descend la rivière Padoue (ou Padone) qui va par Lombardie et Italie, et descend en la mer Adriane Et de la montaigne Adule retournent les montaignes Alpes en oriant jusques en Grèce et finissent en la province d’Esclavonye auprès de Macédoine. Et en parlant de Gennes, Gennes est ung bon port et une bonne ville riche, là où il y a les plus beaulx èdifiiees de toute l’Italie, et est seigneurie sur soy, et est gouvernée par sénateurs. La seigneurie de Gennes est une terre F» 68 V". stérile, montaigneuse, et sont les gens variables, et sont