Mer Adriatique

LA COSMOGRAPHIE

gens riches à cause du trafîic qui font avec les navires d’Affricque et avec ceulx de Turquye et d’Alexandrie. Hz ont fort belles femmes. De Gennes cà Ligorne ^ y a vingt lieues et la coste gist fest et ouest et prent ung quart norouest et suest. Ligorne est à quarente cinq degrez et trois quartz de la haulteur dm polie articque La ville de Lise et Ravanie - sont norouest et suest et y a de l’un à l’aultre quarente lieues. Et au dedans ceste coste est la province de la Campanie et de la Lombardie qui sont parties d’Italie. Et ceste province divise la rivière Pade qui descend des montaignes Alpes et de la montaigne Adule, d’un grand lac, et va entre la Campanye et laLombardye et jusques à Ravaine, là où elle descend en la mer Adriane. Et au cousté de l’austre, auprès de la mer est la Campanie, et au septentrion vers les Alpes est la Lombardie. Ceste Lombardye est la première province, passé les Alpes, et la seconde est la duché de Millan. La ville de Millan est la plus grande ville d’Italie et est fort peuplée et fort riche, et en ladicte terre, à l’entour, y a forces mynes d’argent, acier et fer. Et se font en icelle forces harnoix de guerre, les meilleurs du monde. Et se cueulle en elle et alentour d’elle abundance de soyes. Ladicte duché de Millan est une bonne terre et bien fertille de toutes choses, posé que leur advient de grandes fortunes par leurs péchez et pour estre variables. Ladicte ville de Millan a esté fondée des Erançoys en ceste manière, pour ung différend qui fut entre eulx, pour ce qu’ilz furent en deux bandes ; et la plus faible tira vers Millan, et trouva certaines mai-