Livourne

LA COSMOGRAPHIE

tourne la coste norouest et suest jusques au chenal de Palombrin, et y a, en la traverse, vingt cinq lieues. Palombrin ' est par les quarente quatre degrez et demy de la haulteur du polie articque. Et en la route y a deux petites isles larges de la terre, et, le travers de ceste coste, sont les isles de Corse et de Sar daine qui sont grandes isles et bonnes. Corse a vingt cinq lieues de latitude et douze de longitude, et y a à l’entour d’elle plusieurs petitz isles et rochiers, et est bonne terre fertille de bestial et de toutes choses, et y a de bons vins qui s’appellent vins de Corse, et est instituée nord et su, et depuvs quarente degrez jusques à trente et neuf,et tient de la seigneurie de Gennes. Sardaine est une grande isle et y a plusieurs aultres petites isles à l’entour d’elle, et a quarente lieues de longitude et vingt cinq de latitude, et est depuys trente six degrez jusques à trente et neuf de la haulteur du polie articque, et est bonne isle fertille de toutes choses. Et y a en elle de bonnes villes principallement une appelée Sarragosse ^ et est instituée nord et su. Et d’elle à la terre d’Affricque y a vingt et cinq lieues. Les gens d’icelle et de Corse sont maulvaises gens et n’ayment point les estrangiers, et continuellement à l’entour desdictes isles y a galléres et Listes de Maures et Turcs, et ladicte isle de Scerdaigne ^ tient pour Espaigne. Et du cap de Palombrin jusques à Tarante qui est à la fin du royaulme de Naples, y a six vingtz lieues qui est sa longitude. Et du cap Dalorne jusques au cap de Montenégre y a quinze lieues et sont