L’île d’Elbe

LA COSMOGRAPHIE

de terre, et est seigneurie sur soy, et est bonne terre, et y a ung bon port et de bonnes villes. Et en ceste isle se ceullent les piarres de dyamant. Et en la mer d’elle, y en a deux ou trois aultres, desquelles y en a une qui a une montaigne, qui toutes les nuictz brusle en feu. Et comme j’ay dict, du cap de Sainct Serves au capDause y a dix huyt lieues, et la coste gist est suest et ouest norouest, et est à quarente et trois degrez de la haulteur du polie articque. Le travers du cap Dause, trois ou quatre lieues en la mer, y a deux isles, de quoy l’une desquelles s’appelle Ponce ', en laquelle fut né Pilate. Et encores aujourd’huy y est la maison où il fut né. Ladicte isle est par les quarente deux degrez et cinquante minutes de la haulteur du polie articque, et a cinquante rochiers à l’entour d’elle, dangereux. Du cap Dause à Garoilan ^ y a treze lieues, et de la poincte de Garrilan à Napples, y a aultres treze lieues, et la route est l’est et ouest et prent ung quart de nord est et surouest. Napples est à quarente et trois degrez de la haulteur du polie articque. Napples est une belle grande ville bien peuplée, la princippalle et cappitalle ville du royaulme. Les gens sont bien dispos. De la poincte de Castelmare au cap de Sallerne, y a vingt et cinq lieues. Et la route est l’est suest et ouest norouest. Ledict cap de Sallerne est par les quarente deux degrez et demy de la haulteur du polie articque. Et en ceste coste y a Solerne, Police 4 et Soales qui sont bons portz. Soales a ungislet au meilleu. Et cie Solerne à Belleheure