Civita-Vecchia

LA COSMOGRAPHIE

France, Grèce, d’Arménye, Sirye, Arabye, Egipte, Affricque, Libye et de Etiope jusques à la grand ville de Méroe et d’Affricque, qui se compte depuys la rivière du Nil jusques à Mèdie qui est de Faultre coustè du destroict de Gibaltar. Et ainsi furent seigneurs jusques aux montaignes Attalates. Et toutes ces choses possédèrent les Romains pacifficquement pour raison du bon gouvernement des vieulx sénateurs. Et après furent changez les offices desdicts sénateurs cà jeunes gens et jeunes chevaliers, et de vollaige esperit et léger conseil desdicts jeunes gouverneurs, qui ne voullurent ensuyvir le gouvernement desdicts anciens. Et pour la mauvaise administration de justice qu’estoit entre eulx, en advint grandz discordz et guerres. Pour raison desquelles, Rome vint en subgection d’empereurs, le premier desquelz fut Julie César. Et ainsy fut Romme F-yir». soubz la subgection des empereurs jusques à l’empereur Constantin, lequel, estant empereur, bailla l’empire à l’église au Pape. Et après l’empire de Rome avoir esté subgecte au Pape, a esté perdue toute la seigneurie de Rome en manière que pour le présent, elle n’a point la quinte partie de Italie. Les premiers fundateurs de Rome furent Remus et Romulus frères, lesquelz furent nourriz d’une loupve, et chacun des empereurs après multiplièrent Rome. — Et tournant à la coste de la mer, je dictz que du cap Sainct Serves ' jusquesau cap Dause L y a dix huyt lieues. Du cousté de l’ouest de Civite y a trois ou quatre isles entre lesquelles y en a une qui s’apelle l’isle d’Herbe et à environ dix ou douze lieues