La marche d’Ancône

Alfonse

LA COSMOGRAPHIE

de quatorze heures et demye; Lombardye et Rome de quinze heures et demye. A Ravaine descend la rivière F» 73 r. du Pau, en la mer Adriane. Ladicte rivière, comme j’ay dict, descend des montaignes Lappes (sic) et Adulles et passe par la Campainie et Lombardie, jusques à Ravaine. De Ravaine à Venise y a trente cinq lieues, et la coste gist nordest et surouest. Venise est à quarente et huyt degrez et demy de la haulteur du polie articque, en la haulteur de Paris. Venise est une seigneurie sur soy. Et est assise sur le bort de la mer Adriane, et est une belle ville, plaisante, riche, la plus riche de toute la mer Adriane ny d’Italie. Et quasi par toutes les rues vont basteaulx. Les gens sont belles gens tant hommes que femmes, et se gouvernent par sénateurs, et y a en elle forces marchans qui traictent en toutes les parties par la mer. Ces sénateurs est une manière de gens philosophes, bien expérimentez et gens sçavans és sciences, lesquelz ne vouldroyent pour riens faire aulcune trahison et maulvais acte. Et ladicte ville de Venise est auprès de Turquie. Du cousté d’oriant tiennent la Grèce, et au septentrion les montaignes Alpes, et est terre fertille, abundante de toutes choses et, comme j’ay dict, sont belles gens, tant hommes que femmes. Ladicte ville a esté fondée de gens de Troye qui vindrent en la compaignie de Anténor par la mer Adriane, quant Troye fut destruicte. De Venise à Bellefort et à Civille la Neufve, y a vingt et cinq lieues et la coste gist nordest et surouest. Bellefort est à quarente neuf degrez et demy de la haulteur du polie articque. Et icy se achève ritalie et commence la Grèce. Et de Bellefort au cap de Parense y a quinze lieues, et audeLà du cap, devers le nordest, estParense. Et icy descend une rivière grande qui vient

LA COSMOGRAPHIE