SECOND DIPLÓME DE LOUIS XII

Mettant sous sa sauve-garde spéciale les religieux réformés de Saint-Maximin. — 19 avril 1504.

Loys, par la grace de Dieu roy de France, conte de Prouvence, Forcalquier et terres adjacentes, a noz amez et feaulx conseillers, les gens de nostre court de parlement en Prouvence, et a tous noz autres justiciers oudit pays, ou a leurs lieux tenans, eta chascun d'eulx, comme a luy appartiendra, Salut et dilection. COMME NOUS, CONSIDERANS que le convent des Frères Prescheurs de Saint-Maximin... (comme au n? XLI)... en plusieurs autres convens de nostre royaume puis nagueres refformez, affin de obvier et oster les abuz et dissolutions qui y ont estez faiz et commys par cy devant; par quoy ayons escript a nostre cher et bien amé Vincent Bandel , docteur en theologie, et Géneral dudit ordre, visiter et refforiner ledit convent, tant en chef que en membres; ce que a nostre requeste il ait fait, et pour ce desmis et deposé le prieur dudit convent qui lors estoit, et institué son vicayre general en icelluy nostre cher et bien amé Jehan de Genas , docteur en theologie, et prieur du convent de Lion , pour faire entretenir et garder ladite refformation, et aussi l'election qui se doit fayre du prieur futur dudit convent; lesquelles refformation, institution de vicayre general, et choses dessus dites,

aient esté depuis approuvées et confirmées par nostre tres cher et amé cousin le cardinal d'Amboyse, legat en France, noz royauine , pais, terres et seigneuries, en derrogeant a tous privileges et libertez a ce contraires. Toutes voyes, nous avons esté advertiz, que aucuns religieux, enneniys de ladite refforination, se sont efforcez et cfforcent journellement icelle empescher, soubz couleur d'aucuns privileges qu'ilz disent avoir audit convent, donnez a iceluy par aucuns de nos dits predecesseurs, mesmement par le feu roy René, que Dieu absoille, par lesquelz est dit que le prieur dudit convent ne peut estre deposé, s'il n'est assumpt et pourveu a plus grant dignité, et aussi que nul ne peut estre esleu prieur en icelui, s'il n'est natif de nostre conté de: Prouvence ; lesquelles choses sont totallement contre la reigle et vie reguliere dudit ordre et refformation, soubz laquelle ledit convent est fondé. Savoir vous faisons que nous, desirans ladite refformation et vraye reigle dudit ordre estre entretenuz, gardez et obaervez audit convent; pour ces causes et autres à ce nous mouvans, vous inandons, eta chaseun de vous sur ce requis, en commettant , si inestier est, que audit Bandel, general dessus dit, «es depputez et cominys en ceste. partie, vous faittes obeyr, tenyr la main, donner tout ayde, confort et faveur que besoing sera, de tous ceulx et ainsi qu'il appartiendra, a ce que ladite refformation soit parfaite et sorte son plein et entier effect, et soit dores en avant gardée, entretenue et observée oudit convent selon ladite reigle, et en oultre, tous et chascun les religieux refformez dudit convent , le-quelz, ensemble leurs maisons, biens, sorviteurs et entremetteurs de leurs affayres, nons avons prima et mys, prenons et mettons en nostre protection et sauve garde especial par ces presentes , vous deffendez et gardez, de par nous , de toute force, violence et molestation. Et pour ce, faittes nostre present sauve garde siguitlier et publier es lieux et aux personnes qu'il appartiendra, et dont. vous serez requiz , en faisant ou faisant faire expresse inhibition et deffense, de par nous, Bur certaines et grahs peines à nous à appliquer, a toutes les personnes qu'il appartiendra , que ausdits religieulx, leurs dits

biens, serviteurs et entremetteurs de leurs besoignes , ne meffacent ne mesdient , ou facent meffere ne mesdire, en aucune maniere; et des infracteurs d'icelle nostre sauve garde faittes telle pugnition, correction et repparation que ou cas appartiendra, et que verrez estre a faire par raison ; affin que ce soit exemple a tous autres. Car ainsi nous plaist il estre fait. Non obstant lesdits privileiges , exemptions et libertez, donnez et octroyez, comme dit est, par ledit feu roy René; ausquelz, pour ceste foiz, quand a ladite refformation, pour faire garder et observer, nous, de nostre propre mouvement, plaine puissance et auctorité royal, avons desrogué et desrogons, sans préjudice d'icelles en autres choses , par ces presentes... Donné a Bloys, le XIX* jour d'avril, l'an de grace mil cinq cens et quatre, et de nostre regne le septiesme.

Arch. des B. du Rh. B. 24. Reg. Draconis, fol. 202.