LETTRES DE VINCENT BANDELLI
Confirmant l'élection de Yves Mahyeuc au prieuré de Saint-Maximin. — 12 février (?) 1504.
In Dei Filio sibi dilecto reverendo sacre pagine doctori fratri Ivoni de Britannia, ordinis Predicatorum, frater Vincentius Bandellus de Castronovo , ejusdem facultatis professor, nc totius prefati ordinis generalis Magister et servus , Salutem et spiritum obedientie salutaris. Cum christianissimus rex noster, ob devotionem plurimam ad divam Mariam Magdalenam et ad ordinem nostrum , disposuisset ut conventus suus regalis, in quo sacre quiescunt reliquie ipsius sancte Penitentis, refformaretur, placuit sue Majestati ut de capite sano et reformato provideretur, quod in alia membra vite regularis sensum et morum influeret. Quapropter, cum commisisset michi ut antiquum priorem magistrum Petrum Boneti a prioratu memcrati conventus absolverem, et hec cum fecissein, sua Celsitudo declaravit quod gratum haberet, idque optabat, ut fratres prefati conventus elligorent vos in prio-
rem suum; quoniam Rex ipse optime novit personam vestram qua nec sit (lire quante sit) sanctimonie , zeli , prudentie, doctrine ac fidelitatis erga suam Majestatem; licentiamque michi tribuit talem electionem confirmare, sicut requirit privilegium regium circa institutionem prioris illius domus. Cum igitur rite et canonice, juxta votum regium, fueritis electus in priorem prefati conventus Sancti Maximini, et cum plene noverim ad hoc officium vestram idoneitatem, presertim ad introducendam ibi vite regularis formam , et manutenendam reformationis normam ; auctoritate officii mei et accedente consensu regis nostri christianissimi, te magistrum Ivonem memoratum confirmari, institui et dedi priorem concentus sancte Marie Magdalene in Sancto Maximino, et per presentes confirmo, instituo, do, in nomine Patris, et Filii, et Spiritus Sancti, Ámen. Cum plena auctoritate monendi, corrigendi, precipiendi, ligandi, solvendi, penitentiandi, incarcerandi, remittendi, dispensandi, officiales instituendi ac destituendi, : quotiens opus fuerit ; fratres discolos de conventu ejiciendi, alios ydoneos, loco eorum, recipiendi et assignandi; providendi de studentibus et lectoribus, secundum formam fundationis collegii ; fratres pro sacris ordinibus et pro audientia confessionum, de patrum consilio, presentandi; et faciendi omnia alia que possunt facere priores in ordine nostro, presertim in memorato conventu, rite instituti, precipue instituendi vestros commissarios , et illuc mittendi cum auctoritate quam dare volueritis. Specialiter autem auctoritatem vobis tribuo super loco Sancte Balme, et euper fratres , ut vicarium possitis instituere et destituere, quotiens judicahitis, et fratres illuc mittere et inde removere, et omnem aliam jurisdictionem ibi et super eos fratres exercendi, sicut in conventu ubi estis institutus prior, confero. Ut autem hoc grave onus merito obedientie reddatur levius, precipio vobis, in virtute Spiritus Sancti et sancte obedientie, quathenus, infra spatium unius diei naturalis, prefatum prioratus officium acceptetis, et secundum gratiam a Domino vobis collatam exequamini. Mandans nichilloninus omnibus fratribus memorati conventus Sancti Maximini et loci Sancte Balme, ut vobis tanquam suo legitimo
priori et pastori in omnibus obediant, et debitam reverentiam exibeant. Non obstantibus quibuscumque in contrarium facientibus. In quorum fidem, presentes fieri feci, et sigilli officii mei impressione muniri. Datum Narbone, die XII* augusti millesimo quingentesimo quarto , A. N. anno tertio. (Pour la date, voir cidessus , page 219.)
Arch. des B. du Rh. B. 94. Reg. Draconis, fol. 206.
