PROCÉS-VERBAL DE L'ÉLECTION
d'Honoré Martini au prieuré de Saint-Maximin.— 21 novembre 1578.
L'an mil cinq cens septante huict et le vingtiesme jour du moys de novembre, scaichent tous presens et advenir que, assemblé le venerable chappitre du convent royal de la presente ville de Sainct Maxemin, au lieu soubz escript, a son de cloche, comme est accoustumé faire, par mandement et licence de reverend pere m" Anthoine Cavallerii, vicaire conventuel dudict convent, auquel chappitre sont esté presens ceulx qui s'ensuyvent. Et premierement ledict mons" le vicaire, m* Honoré Rebolly , m° Honoré Martini, docteurs, frere Jehan Duranti, frere Jehan Nyellis, frere Honoré Nyellis, frere Anthoine Masselhoni, frere Françoys Inguimbert, frere Guilles Audricii, frere Bernard Syeye, frere Balthesar Pecqui, frere Honoré Amicii, frere Anthoine Odoul, frere Mathieu Maure, frere Pierre Berenguier, frere André Gasc, frere Jacques Bruni, frere Michel Nyellis , frere Jehan Raymond Charloys et frere Jehan Aurivellier, relligieulx conventuelz dudict convent; auquel chappitre a esté expausé par ledict vicaire que le prieuré dudict convent seroit vaccant, puys quelques Jours faict, par la mort et trespas de M* Gabriel de Gaye, jadis prieur d'icelluy ; attendu laquelle vaccation, seroit besoing faire autre et nouvelle ellection d'autre prieur, suivant les ordonnances, fondations et privilleges dudict convent , et arrestz donnez tant par le conseil privé de Sa Majesté que court de parlement de ce pays; requerant ledict chappitre y vouloir conclure , saichant que , estant ledict prieuré vaccant , son viccaire el officiers en sont du mesimes, suivant lesdictes constitutions et ordonnances. Pour raison de quoy , incontinent se seroit desinis de son dict otliee de vicaire, et icelluy remis
entre les mains dudict chappitre. A cause de quoy , frere Jehan Durant, comme plus antien, auroit appellé avec luy ledict M* Cavallerii et frere Jehan Nyellis , plus antiens selon leurs profections, qui s'estans retirez a part, auroient esleu et créé pour vicaire conventuel ledict M* Anthoine Cavallerii, docteur. Qui aiant accepté ladicte charge, et faict appeller au preallable ceulx qui estoient une journée absens dudict convent , et demandé a chacun, particullierement assemblez comme dessus, auquel jour et heure ilz pretendoient proceder a ladicte ellection , et en quelle forme et maniere , si par scruptine, compromis, comme inspiration , ou par billets, sellon le concille de Trente , appreuvé par les sainctes constitutions. Lesquels , tous d'ung accord, personne en rien discrepant , ont declairé que sera bon proceder a ladicte ellection demain matin, vingt ungiesme du present moys, a neuf heures, dict au preallable la messe du Sainct Esperit ; et que sera meilleur proceder a ladicte ellection selon la forme et teneur dudict concille de Trente. De laquelle provision de vicaire, et de tout ce que dessus, ledict chappitre et beaux peres on ont requis acte, que leur a esté accordé et faict par moy notaire royal soubzsigné. Et advenant le lendeinain vingt ungniesme dudict moys et an, a neuf heures du matin, assemblez les dessus nominez au lieu susdict , a son de cloche , comine est accoustumé faire , dicte la grand messe du Sainct Sprit, a laquelle tous les vocaulx dudict convent se sont treuvez, ledict M* Anthoine Cavallerii, docteur et vicaire, apres les avoir longuement admonestez et exhortez de fere ellection et nomination de trois relligieux dudict ordre , origineres du present pays de Prouvence, ydoines et suffisans pour exercer la charge de prieur dudict convent, et, avant passer oultre, absoult de toute sentence d'excominunication , sy puinct en avoient , tant majeur que mineur, et faict invoquer de rechef la grace du Sainct Sperit, suivant la teneur desdictes constitutions et ordunnances dudict ordre, pour eviter toute fraude et deception a ladicte ellection et nomination , s'est transporté hors dudiot chappitre, en compagnie des freres Jehan et Honoré Nyellis, scruptateury , et, assis sur un banc, et au devant d'eulx
une table couverte d'ung tapis, tout ainsi qu'est accoustumé fere. Et appellez lesdicts religieux , l'ung après l'autre, selon l'ordre de leurs profections, ont nommé pour prieur audict concent M* Anthoine Cacallerit , M* Honoré Rebolly et M* Honoré Martini, docteurs en saincte theologie , religieux dudict convent. Laquelle ellection et nomination ainsi que dessus faicto desdicts troys nommez ont volu estro redigez par escript par moy notaire royal soubzsigné , pour leur en estre faict acte, et porté a sa dicte Majesté, pour accorder et conferer ledict prieuré a l'ung des troys que bon luy semblera, pour l'espace de troys ans seullement... Loys Faulquele, notaire royal en ladicte ville de Sainct Maxemin...
Arch. des B du Rh. B. 67. Reg. Cometa. fol. 281.
