XII ANNEXES

gens languir, et estre pressez de nécessité, que cela nous touche : et encores que selon les hommes nous puissions dire : Cela m’appartient, que nous regardions à Dieu, lequel nous l’a eslargi à telle condition, que le tout ne demeure point en nos mains : mais qu'il soit distribué selon que nous voyons nostre pouvoir dun costé, et puis la necessité de nos prochains de l’autre. Mais revenons à la promesse. Car comme j'ay dit, on pourra dire : Bien, ray ceste année dequoy me nourrir : et que sera-ce l'annee qui vient? Il ne se faut pas asseurer mesme sur ce qu’on a : car le bled qui est au grenier se peut consommer : il ne faut sinon que Dieu le face esvanouir. Et il ne faut point que ce soit en hypocrisie que nous disions : Donne-nous nostre pain quotidien ou ordinaire. Car nous confessons par cela, que ceux qui ont beaucoup n'ont rien, sinon que Dieu le face valloir à leur usage. Ainsi donc qu'un chacun regarde : Et que sera-ce de moy? Combien que ie soye plein et fourni, si estce que Dieu me peut priver de tout : il a le ciel en sa main pour le serrer, comme il dit : Qu'il le rendra dur comme fer, que la terre sera aussi endurcie comme airain, que nons n’en tirerons point une seule goutte de substance. Voulonsnous donc que nostre Seigneur qui nous à substantez, et qui a fait iusques ici office de pere nourricier envers nous, continue iusques en la fin? Regardons de ne point nous deflier de sa bonté, tellement que cela nous empesche d’estre humains envers ceux qui ont faute de secours. Que donc nous leur subvenions, voire nous appuyans du tout sur ce qui est dit : La benediction de Dieu sera sur nous : que nous soyons enclins à pitié el compassion, pour secourir à ceux qui ont faute de nous, sachans que quand Dieu nous aura donné une bonne annee, quand nous aurons esté humains envers nos prochains pour les secourir, qu'il augmentera tousiours ses graces de plus en plus sur nous : comme aussi sainct Paul le monstre en la seconde Epistre au Corinthiens, là où il traitte de ceste matiere tout au long. Que nous ayons donc