BENEDICTUS EPISCOPUS

Servus Servorum Dei, ad perpeluam rei memoriam.

Ex commisso Nobis Apostolicæ sollicitudinis munere libenter ea omnia prosequimur, quæ Nostrorum Subditorum commodum,atque utilitatem respiciunt; sedad ea potissimüm animum Nostrum intendimus, per quæ Pauperum necessitatibus, & miserorum indigentiis consulitur.

$. 1. Alias siquidem, nempè sub die 22. Maji anni 1742. Pauperum querelhis excitati, Epistolam Encyclicam dedimus ad Ven. Fratres Nostros Archiepiscopos, & Episcopos Ecclesiasticæ Nostræ Ditionis, quæ postea Bullarii Nostri Tomo primo jinserta, ordine quinquagesima sexta est, in qua pauperum causam, hoc est causam Dei, eis commendantes, præcepimus, ut omnem adhiberent diligentiam, ne, messe facta, pauperes; & egeni prædiorum aditu ad colligendas Spicas, vel in terra relictas, vel a Messoribus præteritas, arcerentur; injungentes nsuper, ut in iis locis, ubi hujusmodi consuetudo Spicarum collectionem permittendi recepta esset, omnino retineretur; ubi ver non adhuc esset, omni studio introduci curaretur, quemadmodum ex ipsius Epistolæ serie cognosci potest.

$ 2. Epistolæ autem Nostræ quibusdam in Locis plenè obtemperatum est; in aliis vero ejus executio adhuc desideratur, ob aliquorum animi duritiem , qui nullo , aut modico miseriarum proximi sui sensu tanguntur, aut ob diflicultates, quæ in illius executione enatæ sunt; siquidem intelleximus, plures timuisse, ne, si liber pauperibus ingressus ad colligendas in prædiis Spicas, quæ post messem supersunt, permitteretur , aliquod inde damnum substantiis suis, quod prorsus nolumus, oriretur. Itaque necesse duximus, novas ordinationes, novasque regulas præscribere; nolentes, quantum in Nobis est, in re tanti momenli, scilicet in ferenda ope miseris, atque egenis sublevandis, qui si minus in extrema, certè in gravi auxilii necessitate versantur, nostras partes desiderari, & Nos debitores Deo constituere.