Chapitre V

VIS, qu'auec la grâce du bon Dieu, nous sommes arriuez iusques-là, que d'auoisiner le pays de nos Hurons, il est maintenant temps que ie commence à en traicter plus amplement, et de la façon de faire de ses habitans, non à la manière de certaines personnes, lesquelles descriuans leurs Histoires, ne disent ordinairement que les choses principales, et les enrichissent encore tellement, quand on en vient à l'expérience, on n'y voit plus la face de l'Autheur : car i'escris non-seulement les choses principales, comme elles sont, mais aussi les moindres et plus petites, auec la mesme naïfueté et simplicité que i'ay accoustumé.

Il C'est pourquoy ie prie le Lecteur d'auoir pour 81 agréable ma manière de procéder, et d'excuser si pour mieux faire comprendre l'humeur de nos Saunages, i'ay esté contrainct insérer icy plusieurs choses inciuiles et extrauagantes, d'autant que l'on ne peut-pas donner vne entière cognoissance d'vn pays estranger, ny ce qui est de son gouuernement, qu'en faisant voir auec le bien, le mal et l'imperfection qui s'y retrouue : autrement il ne m'eust fallu descrire les mœurs des Saunages, s'il ne s'y trouuoit rien de saunage, mais des mœurs polies et ciuiles, comme les peuples qui sont cultiués par la religion et pieté, ou par des Magistrats et Sages, qui par leurs bonnes

lois eussent donné quelque forme aux mœurs si difformes de ces peuples barbares, dans lesquels onvoid bien peu reluire la lumière de la raison, et la pureté dVne nature espurée.

Deux iours auant nostre arriuée aux Hurons, nous trouuasmes la mer douce, sur laquelle ayanstrauersé d'Isle en Isle, et pris terre au pays tant désiré, par vn iour de Dimanche, feste sainct Bernard, enuiron midy, que le Soleil donnoit à plomb^ mes Saunages

82 ayans serré leur Canot en || un bois là auprès me chargèrent de mes hardes et pacquets, qu*ils auaient auparauant tousiours portez par le chemin : la cause fut la grande distance qu'il y auait de là au Bourg, et qu'ils estoient desia plus que suffisamment chargés de leurs marchandises. le portay donc mon pacquet auec vne très-grande peine, tant pour sa pesanteur, et de Texcessiue chaleur qu'il faisoit, que pour une foiblesse et débilité grande que ie ressentois ea tous mes membres depuis vn long temps, ioinct que pour m'auoir fait prendre le deuant^ comme ils auoient accoustumé (à cause que ie ne pouuois les suyure qu'à toute peine) ie me perdis du droict chemin, et me trouuay long temps seul, sans sçauoir où i'allois. A la fin, après auoir bien marché et trauersé pays, ie trouuay deux femmes Huronnes proche d'vn chemin croizé, et leur demanday par où il falloit aller au Bourg où ie me deuois rendre, ie n'en sçauois pas le nom, et moins lequel ie deuois prendre des deux chemins : ces pauures femmes se peinoient assez pour se faire entendre, mais il n'y auoit encore moyen. Enfin, inspiré de Dieu, ie pris le bon che-

83 min, et au bout de quelque temps ie || trouuay mes

Sauuages assis à Tombre sous vn arbre en vne belle grande prairie, où ils m'attendoient, bien en peine que i'estois deuenu ; ils me firent seoir auprès d*eux, et me donnèrent des cannes de bled d'Inde à succer qu'ils auoient cueillies en vn champ tout proche de là. le pris garde comme ils en vsoient, et les trouuay d'vn assez bon suc : après, passant par vn autre champ plein de FezoUes l'en cueillis vn plein plat, que ie fis par après cuire dans nostre Cabane auec de l'eau, quoyque l'escorce en fust desia assez dure : cela nous seruit pour vn second festin après nostre arriuée.

A mesme temps que ie fus apperceu de nostre ville de Quieuindahian, autrement nommée Téqueunon- Idayé, lieu assez bien fortifié à leur mode, et qui pouuoit contenir deux ou trois cens mesnages, en trente ou quarante Cabanes qu'il y auoit, il s^esleua vn si grand bruit par toute la ville, que tous sortirent presque de leurs Cabanes pour me venir voir, et fus ainsi conduit auec grande acclamation iusque dans la Cabane de mon Saunage, et pour ce que la presse y estoit fort grande, ie fus contrainct de gaigner le Il haut de Testablie, et me desrober de leur presse. 84 Les père et mère de mon Saunage me firent vn fort bon accueil à leur mode, et par des caresses extraordinaires, me tesmoignoient l*ayse et le contentement qu'ils avoient de ma venue, ils me traitèrent aussi doucement que leur propre enfant, et me donnèrent tout suiect de louer Dieu, voyant l'humanité et fidélité de ces pauvres gens, priuez de sa cognoissance. Ils prirent soin que rien ne se perdist de mes petites hardes, et m'aduertirent de me donner garde des larrons et des trompeurs, particulièrement des Quieu-

nontaterononSy qui me venoient souuent voir, pour tirer quelque chose de moy : car entre les Nations Sauuages celle-cy est l'vne des plus subtiles de toutes, en faict de tromperie et de vol.

Mon Sauuage, qui me tenoit en qualité de frère, me donna aduis d*appeller sa mère Sendoué, c'est à dire, ma mère, puis luy et ses frères Ataqueriy mon frère, et le reste de ses parents en suite, selon les degrez de consanguinité, et eux de mesme m*appeloient leur parent. La bonne femme disoit Ayein, mon fils, et les autres Ataquoriy mon frère, Earasséj mon cousin, 85 Hi\\uoittan, mon nepveu, Houatinoron y mon oncle, Aystariy mon père : selon Taage des personnes i'estois ainsi appelle oncle ou nepueu, etc., et des autres qui ne me tenoient en qualité de parent, Xatoro^ mon compagnon, mon camarade, et de ceux qui m'estimoient dauantage, Ganhouanne, grand Capitaine. Voylà comme ce peuple n'est pas tant dans la rudesse et la rusticité qu'on l'estime.

Le festin qui nous fut faict à nostre arriuée, fut de bled d'Inde pilé, qu'ils appellent Ottet, auec vn petit morceau de poisson boucané à chacun, cuit en l'eau, car c'est toute la saulce du pays, et mes Fezolles me servirent pour le lendemain : dés lors ie trouuay bonne la Sagamité qui estoit faicte dans nostre Cabane, pour estre assez nettement accommodée, ie n'en pouuois seulement manger lorsqu'il y auoit du poisson puant demincé parmy, ou d'autres petits, qu'ils appellent Auhaitsique, ni aussi de Leindohy^ qui est vn bled qu'ils font pourrir dans les fanges et eauës croupies et marescageuses, trois ou quatre mois durant, duquel ils font neantmoins grand estât :

nous mangîons par-fois de Citrouilles du pays, cuites Il dans l'eau, ou bien sous la cendre chaude, que 86 ie trouuois fort bonnes, comme semblablement des • espics de bled d'Inde que nous faisions rostir deuant le feu, et d'autre esgrené, grillé comme pois dans les cendres : pour des Meures champestres nostre Sauuagesse m'en appôrtoit souuent au matin pour mon desieuner^ ou bien des Cannes d'Honneha à succer, et autre chose qu'elle pouuoit, et auoit ce soin de faire dresser ma Sagamité la première, dans l'escuelle de bois ou d*escorce la plus nette large comme vn platbassin, et la cueillier auec laquelle ie mangeois, grande comme vn petit plat ou saucière. Pour mon département et quartier, ils me donnèrent à moy seul, autant de place qu'en pouuoit occuper un petit mesnage, qu'ils firent sortir à mon occasion, dés le lendemain de mon arriuée : en quoy ie remarquay particulièrement leur bonne affection, et comme ils desiroient de me contenter, et m'assister et seruir auec toute l'honnesteté et respect deus à vn grand Capitaine et chef de guerre, tel qu'ils me tenoient. Et pour ce qu'ils n'ont point accoustumé de se servir de cheuet, ie me seruois la nuict d'vn billot de bois, ou d'v- Il ne pierre, que ie mettois sous ma 87 teste, et au reste couché simplement sur la natte comme eux, sans couuerture ny forme de couche, et en lieu tellement dur, que le matin me leuant, ie me trouuois tout rompu et brisé de la teste et du corps.

Le matin, après estre esueillé, et prié vn peu Dieu, ie desieunois de ce peu que nostre Sauuagesse m^auoit apporté, puis ayant pris mon Cadran solaire, iQ

sortoîs de la ville en quelque lieu escarté, pour pou-

uoir dire mon seruice en paix, et faire mes prières

, et méditations ordinaires : estant enuiron midy ou

vne heure, ie retoumois à nostre Cabane pour disner

d'vn peu de Sagamité, ou de quelque Citrouille

cuite; après disner ie lisois dans quel que petit liure

que i'auois apporté, ou bien i'escriuois, et obseruant

soigneusement les mots de la langue, que i'appre-

nois, i'en dressois des mémoires que i'estudîois, et

repetois deuant mes Saunages, lesquels y prenoient

plaisir, et m'aydoient à m'y perfectionner auec vne

assez bonne méthode, m'y disant souuent, Aaiel^ au

lieu de Gabriel, qu'ils ne pouuoient prononcer, à

cause de la lettre B, qui ne se trouue point en toute

88 leur langue, non || plus que les autres lettres labiales,

Assékoudj Agnonray et Séatonqua : Gabriel, prends ta

plume et escris, puis ils m'expliquoient au mieux

qu'ils pouuoient ce que ie desîrois sçauoir d'eux.

Et comme ils ne pouuoient par-fois me faire entendre leurs conceptions, ils me les démons troient par figures, similitudes et démonstrations extérieures, par-fois par discours, et quelquesfois auec vn baston, traçant la chose sur la terre, au mieux qu'ils pouuoient, ou par le mouuement du corps, n'estans pas honteux d'en faire de bien indécents, pour se pouuoir mieux donner à entendre par ces comparaisons, plustost que par longs discours et raisons qu'ils eussent pu alléguer, pour estre leur langue assez panure et disetteuze de mots en plusieurs choses, et particulièrement en ce qui est des mystères de nostre saincte Religion, lesquels nous ne leur pouuions expliquer, ny mesme le Pater noster^ sinon que par péri-

phrase, c'est à dire que pour vn de nos mots, il en falloit vser de plusieurs des leurs : car entr'eux ils ne sçauent que c'est de Sanctification, de Règne celeste, du tres-sainct Sacrement, ny d'induire en tentation. Les II mots de Gloire, Trinité, Sainct Esprit, 89 Anges, Résurrection, Paradis, Enfer, Eglise, Foy, Espérance et Charité, et autres infinis, ne sont pas en vsage chez eux. De sorte qu'il n'y a pas besoin de gens bien sçauants pour le commencement; mais bien de personnes craignans Dieu, patiens, et pleins de charité : et voilà en quoy il faut principalement exceller pour conuertir ce pauure peuple, et le tirer hors du péché et de son aueuglement.

. le sortois aussi fort souuent par le Bourg, et les visitois en leurs Cabanes et mesnages , ce qu'ils trouuoient tres-bon, et m'en aymoient dauantage, voyans que ie traictois doucement et affablement auec eux, autrement ils ne m'eussent point veu de bon œil^ et m'eussent creu superbe et desdaigneux, ce qui n'eust pas esté le moyen de rien gaigner sureux; mais plustost d'acquérir la disgrâce d'vn chacun, et se faire hayr de tous : car à mesme temps quVn Estranger a donné à l'vn d'eux quelque petit suiect ou ombrage de mescontentement ou fascherie, il est aussi-tost sceu par toute la ville de Fvn à l'autre : et comme le mal est plustost creu que le bien, ils vous estiment tel pour vntemps^ que le || mescon- 90 tent vous a dépeint.

Nostre bourg estoit de ce costé-là le plus proche voisin des Yroquois, leurs ennemys mortels, c'est pourquoy on m'aduertissoit souuent de me tenir sur mes gardes, de peur de quelque surprise pendant

que i'allois au bois pour prier Dieu, ou aux champs cueillir des Meures champestres : mais ie n'y rencontray iamais aucun danger ny bazard (Dieu mercy) il y eut seulement vn Huron qui banda son arc contre moy, pensant que ie fusse ennemy : mais ayant parlé il se rasseura, et me salua à la mode du pays, Quaye^ puis il passa outre son cbemin, et moi le mien.

le visitois aussi par-fois leur Cimetière, qu'ils appellent Agosayé, admirant le soin que ces panures gens ont des corps morts de leurs parens et amis deffuncts^ et trouuois qu'en cela ils surpassoient la pieté des Chrestiens, puis qu'ils n'espargnent rien pour le soulagement de leurs âmes, qu'ils croyent immortelles, et auoir besoin du secours des viuans. Que si par 'fois i'auois quelque petit ennuy, ie me recreois et consolois en Dieu par la prière, ou en 91 chantant des Hymnes et Cantiques spirituels à la louange de sa diuine Majesté^ lesquels les Saunages escoutoient auec attention et contentement, et me prioyent de chanter souuent, principalement après que ie leur eus dict, que ces chants et Cantiques spirituels estoient des prières que ie faisois et adressois à Dieu i^iostre Seigneur, pour leur salut et conuersion.

Pendant la nuict i'entendois aussi par-fois la mère de mon Saunage pleurer, et s'affliger grandement, à cause des illusions du Diable. l'interrogeay mon Saunage pour en sçauoir le suiect, il me fit response que c'estoit le Diable qui la tràuailloit et affligeoit, par des songes et représentations fascheuses delà mort'de ses parens^, et autres imaginations. Cela est particulièrement commun aux femmes plustost qu'aux hom*

mes, à qui cela arriue plus rarement, bien qu*il s'y en trouue par-fois quelques-vns qui en deuiennent fols et furieux, selon leur forte imagination, et la foiblesse de leur esprit, qui leur fait adiouster foy à ces resueries diaboliques.

Il se passa vn assez long temps après mon arriuée, auaat que i'eusse aucune co- || gnoissance ny nou* 92 uelle du lieu où estoient arriuez mes Confrères, iusques à vn certain iour que le Père Nicolas, accompagné dVn Saunage, me vint trouuer de son village, qui n'estoit qu'à cinq lieues du nostre. le fus fort resiouy de le voir en bonne santé et disposition, nonobstant les pénibles trauaux et disettes qu'il auait souffertes depuis nostre département de la traicte; mes Sauudges le receurent aussi volontiers à coucher en nostre Cabane, et luy firent festin de ce qu'ils purent, à cause qu'il estoit mon Frère, et à nos autres François , pour estre nos bons amysi Apres donc nous estre congratulez de nostre heureuse arriuée, et vn peu discouru de ce qui nous estoit arriué pendant vn si long et pénible chemin, nous aduisasmes d'aller trouuer le Père loseph, qui estoit demeurant en vn autre village, à quatre ou cinq lieues de nous; car ainsi Dieu nous avoit-il faict la grâce, que sans l'auoir prémédité, nous nous mismes à la conduite de personnes qui demeurassent si proches les vues des autres : mais pource que i'estois fort aymé de Oonckiarey mon Saunage, et de la pluspart de ses parens, ie ne sçauois comment Taduertir || de nostre 93 dessein, sanr le mescontenter grandement. Nous trouuasmes enfin moyen de luy persuader que i'auois quelque affaire à communiquer à nostre Frère la-

seph, et qu'allant vers luy il falloît nécessairementque i'y portasse tout ce que i'auois, qui estoit autant à luy comme à moy, afin de prendre chacun ce qui luy appartenoit, ce qu'ayant dict, ie pris congé d'eux, leur donnant espérance de reuenir en bref, ainsi ie partis auec le bon Père Nicolas, et fusmes trouuer le Père loseph, qui demeuroit à Quieanonas" carariy où ie ne vous sçaurois expliquer la ioye et le contentement que nous eusmes de nous reuoir tous trois ensemble, qui ne fût pas sans en rendre grâces à Dieu, le priant de bénir nostre entreprise pour sa gloire, et conuersion de ces pauures Infidèles : en suite nous fismes bastir vne Cabane pour nous loger, où à grand* peine eusmes-nous le loisir de nous entre-caresser, que ie vis mes Saunages (ennuyez de mon absence) nous venir visiter, ce qu'ils réitérèrent plusieurs fois, et nous nous estudions à les receuoir et traicter si humainement et civilement,, que nous les gaignasmes, en sorte, qu'ils sembloient de- 94 11 battre de courtoisie à receuoir les François en leur Cabane, lorsque la nécessité de leurs affaires les iettoit à la mercy de ces Saunages, que nous experimentasmes auoir esté vtiles à ceux qui doiuent traicter auec eux, espérant par ce moyen de nous insinuer au principal dessein de leur conuersion, seul motif d'vn si long et fascheux voyage.

Or nous voyans parmy eux nous nous resolusmes d'y bastir un logement, pour prendre possession, au nom de lesus Christ, de ce pays, afin d'y faire les fonctions, et exercer les ministères de nostre Mission : ce qui fut cause que nous priasmes le Chef, qu'ils nomment Garihoùa Andionxra^ c'est à dire, Capi-

taine et Chef de la police, de nous le permettre, ce qu'il fit, après auoir assemblé le Conseil des plus notables, et ouy leur aduis : et après qu'ils se furent efforcez de nous dissuader ce dessein, nous persuadans de prendre plustost logement en leurs Cabanes pour y estre mieux traitez. Nous obtinsmes ce que nous desirions, leur ayans faict entendre qu'il estoit ainsi nécessaire pour leur bien; car estans venus de si loing pays pour leur faire entendre ce qui concernoit le salut de leurs || âmes, et le bien de la félicité qS éternelle, auec la cognoissance d'vn vray Dieu, par la prédication de l'Euangile, il n'estoit pas possible d'estre assez illuminez du Ciel, pour les instruire parmy le tracas de la mesnagerie de leurs Cabanes, ioint que desirans leur conserver Tamitié des François qui traictoient auec eux, nous aurions plus de crédit à les conseruer ainsi à part, que non pas quand nous serions cabanez parmy eux. De sorte que s'estans laissez persuader par ces discours et autres semblables, ils nous dirent que nous fissions cesser les pluyes (qui pour lors estoient fort grandes et importunes) en priant ce grand Dieu, que nous appelions Père, et nous disions ses seruiteurs, afin qu'il les fist cesser, pour pouuoir nous accommoder la Cabane que nous desirions : si bien que Dieu fauorisant nos prières (après auoir passé la nuict suyvante à le solliciter de ses promesses) il nous exauça, et les fit cesser si parfaictement, que nous eusmes vn temps fort serain; dequoy ils furent si estonnez et rauis, qu'ils le publièrent pour miracle, dont nous rendismes grâces à Dieu. Et ce qui les confirma dauantage, ce fut qu^apres auoir || employé quelques iours à ce pieux 96

trauail, et après Tauoir mis à sa perrection, lespluyes recommencèrent : de sorte qu'ils publièrent par tout la grandeur de nostre Dieu.

le ne puis obmettre vn gentil débat qui arriua entr'eux, à raison de nostre bastiment, d'vn ieune garçon lequel n'y trauaillant pas de bonne volonté, se plaignoit aux autres de la peine et du soin qu'ils se donnoient, de bastir vne Cabane à des gens qui ne leur estoient point parens, et eust volontiers désiré qu'on eust délaissé la chose imparfaite, et nous en peine de loger auec eux dans leurs Cabanes, ou d'estre exposez à Tiniure de l'air, et incommodité du temps : mais les autres Sauuages portez de meilleure volonté, ne luy voulurent point acquiescer, et le reprirent de sa paresse, et du peu d'amitié qu'il tesmoignoit à des personnes si recommandables, qu'ils deuoient chérir comme parents et amys, bien qu'estrangers, puis qu'ils n'estoient venus que pour leur propre bien et profit.

Ces bons Sauuages ont cette louable coustume entr'eux, que quand quelques-vns de leurs Conci- 97 toyens n'ont point de || Cabane à se loger, tous vnanimement prestent la main, et luy en font vne, et ne l'abandonnent point que la chose ne soit mise en la perfection, ou du moins que celuy bu ceux pour qui elle est destinée, ne la puissent aysement paracheuer : et pour obliger vn chacun à vn si pieux et charitable office, quand il est question d'y trauailler, la chose se décide tousiours en plein conseil, puis le cry s'en faict tous les iours par le Bourg, afin quVn chacun s'y trouue à l'heure ordonnée, ce qui est vn tres-bel ordre, et fort admirable pour des personnes

sauuages que nous croyons, et sont en effect, moins policées que nous. Mais pour nous, qui leur estions estrangers, et arriuez de nouueau, c'estoit beaucoup, de se monstrer si humains que de nous en bastir auec vne si commune et vniuerselle affection, veu qu'ils ne donnent ordinairement rien pour rien aux estrangers, si ce n'est à des personnes qui le méritent, ou qui les ayent bien obligez, quoy qu'ils demandent tousiours, particulièrement aux François, qu'ils appellent Agnonha, c'est à dire gens de fer, en leur langue, et les Canadiens et Montagnais nous sur- nomment Mistigochey qui || signifie en leur lan- 98 gue Canot ou Basteau de bois : ils nous appellent ainsi, à cause que nos Nauires et Basteaux sont faicts de bois, et non d'escorces comme les leurs : mais pour le nom que nous donnent les Hurons, il vient de ce qu'auparauant nous, il ne sçauoient que c'estoit de fer, et n?en auoient aucun vsage, non plus que de tout autre métal ou minerai.

Pour reuenir au paracheuement de nostre Cabane, ils la dressèrent enuiron à deux portées de flesche loin du Bourg, en vn lieu que nous-mesmes auions choisi pour le plus commode, sur le costeau d'vn fond, oti passoit vn beau et agréable ruisseau, de l'eau duquel nous nous semions à boire, et à faire nostre Sagamité, excepté pendant les grandes neiges de l'hyuer, que pour*cause du fascheux chemin , nous prenions de la neige proche de nous pour faire nostre manger, et ne nous en trouuasmes point mal. Dieu mercy. Il est vray qu'on passe d'ordinaire les sepmaines et les mois entiers sans boire : car ne mangeant iamais rien de salé ny espicé, et son manger quotidien n'estant

que de ce bled d'Inde boûilly en eau, cela sert de 99 boisson et de mangeaiUe, et nous || nous trouuions fort-bien de ne point manger de sel, aussi estionsnous près de trois cens lieues loin de toute eau salée^ de laquelle eussions pu espérer du sel. Et à mon retour en Canada, ie me trouuois mal au commencement d'en manger, pour l'avoir discontinué trop long temps; ce qui me faict croire que le sel n'est pas nécessaire à la conseruation de la vie, ny à la santé de l'homme.

Nostre pauure Cabane pouuoit aouoir enuiron vingt pieds de longueur , et dix ou douze de large, faicte en forme d'vn berceau de jardin, couuerte d'escorce par tout, excepté au faiste, oti on auoit laissé vne fente et ouuerture exprez pour sortir la fumée : estant ainsi acheuée de nous-mesmes au mieux qu'il nous fut possible, et auec quelques haches que nous auions apportées, nous fismes vne cloison de pièces de bois^ séparant nostre Cabane en deux : du costé de la porte estoit le lieu où nous faisions nostre mesnage , et prenions nostre repos , et la chambre intérieure nous seruoit de Chapelle, car nous y auions dressé vn Autel pour dire la saincte Messe , et y serrions encore nos ornemens et autres petites commo- 100 ditez, et || de peur de la main larronnesse des Sauuagcs nous tenions la petite porte d'escorce, qui estoit à la cloison/ fermée et attachée auec vne cordelette. A l'entour de nostre petit logis nous accommodasmes vn petit jardin , fermé d'vne petite palissade , pour en oster le libre accez aux petits enfants Saunages , qui ne cherchent qu'à mal faire pour la plus-part : les pois, herbes, et autres petites choses que nous auions

semées en ce petit jardin , y profitèrent assez bien ,

ncore que la terre en fust fort maigre^ comme l'vn .les pires et moindres endroîcl s du pays.

Mais, pour auoir faict nostre Cabane hors de saison , elle fut couuerte de tres-mauuaise escorce , qui se decreua et fendit toute, de sorte qu'elle nousgarantissoit peu ou point des pluyes qui nous tomboient par tout, et ne nous en pouuions deffendre ny le iour ny la nuict, non plus que des neiges pendant Thyucr, de laquelle nous nous trouuions par-fois couuerts le matin en nous leuant. Si la pluye estoit aspre , elle esteignoit nostre feu, nous priuoit du disner, et nous causoit tant d'autres incommoditez , que ie puis dire auec vérité , que iusqu'à ce que nous | y eussions vn peu remédié, qu'il n'y auoit pas vn seul petit coin en nostre Cabane, où il ne pleust comme dehors, ce qui nous contraignait d'y passer les nuicts entières sans dormir , cherchans à nous tenir et ranger debout ou assis en quelque petit coin pendant ces orages.

La terre nue ou nos genoUils , nous seruoieht de table à prendre nostre repas, ainsi comme les Saunages, et n'auions non plus de nappes ny seruiettes à essuyer nos doigts, ny decousteau à couper nostre pain ou nos viandes : car le pain nous estoit înterdict , et la viande nous estoit si rare, que nous-auons passé des 6 sepmaines , et deux ou trois mois entiers sans en manger, encore n'estoi-ce quelque petit morceau de Chien, d'Ours ou de Renard, qu'on nous donnoit en festin , excepté vers Pasques et en l'Automne , que quelques François nous firent part de leur chasse et gibier. La chandelle de quoy nous nous semions la nuict, n'estoitque de petits cornets d'escorce de Bou-

leau y qui estoient de peu de durée , et la clairté du feu nous seruoit pour lire, escrire, et fafre autres petites choses pendant de longues nuicts de rhyuer, ce qui n'estoit vne petite incommodité.

I02 ii Nostre vie et nourriture ordinaire estpitdes mesmes mets et viandes que celles que les Sauuages vsent ordinairement , sinon que celles de nos Sagamités estoient vn peu plus nettement accommodées, et que nous y meslions encore par-fois de petites herbes , comme de la Marjolaine saunage, et autres, pour luy donner goust et saveur , au lieu de sel et d'espice ; mais les Sauuages s*apperceuants qu'il y enauoit, ils n'en vouloient nullement gouster, disant que cela sentoit mauuais, et par ainsi ils nous la laissoient manger en paix, sans nous en demander , comme ils auoient accoustumé de faire lors qu'il n'y en auoit point, et nous leur en donnions volontiers , aussi ne nous en refusoient-ils point en leurs Cabanes quand nous leur en demandions, et eux-mesmes nous en ofTroient souuent.

Au temps que les bois estoient en seue , nous faisions par-fois vne fente dans l'escorce de quelque gros Fouteau, et tenans au-dessous une escuelle, nous en receuions le ius et la liqueur qui en distilloit, laquelle nous seruoit pour nous fortifier le cœur lorsque nous nous en sentions incommodez : mais c'est neantmoins io3 vn reme- |1 de bien simple et de peu d'effect, et qui affadist plustost qu'il ne fortifie , et si nous nous en semions , c'estoit faute d'autre chose plus propre et meilleure.

Auant que de partir pour aller à la mer douce , le vin des Messes, que nous auions porté en un petit ba-

ril de deux pots, estant failly, nous en fismes d'autre auec des raisins du pays, qui estoit tres-bon, et bouillit en nostre petit baril , et en deux autres bouteilles que nous auions, de mesme qu'il eust pu faire en des plus grands vaisseaux , et si lious en eussions encore eu d'autres , il y auoit moyen d'en faire une assez bonne prouision , pour la grande quantité de vignes et de rasins qui sont en ce pays-là. Les Sauvages en mangent bien le raisin , mais ils ne les cultiuent ny n'en font aucun vin, pour n'en auoir l'inuention, ny les instruments propres : Nostre mortier de bois , et vneseruiettede nostre Chapelle nous seruirent de pressoir, et vn Anderoqua, ou sceau d'escorce, nous seruit de cuue : mais nos petits vaisseaux n'estans capables de contenir tout nostre vin nouueau, nous fusmes contraincts , pour ne point perdre le reste , d'en faire du raisiné, qui fut aussi || bon que celui que l'on 104 faict en France , lequel nous seruit aux iours de récréation et bonne feste de l'année, à en prendre vn petit sur la poincte d'vn cousteau.

Pendant les neiges nous estions contraincts de nous attacher des raquettes sous les pieds , aussi bien que les Saunages, pour aller quérir du bois pour nous chauffer, qui est une très-bonne inuention : car auec icelles on n'enfonce point dahsles neiges, et si on faict bien du chemin en peu de temps. Ces raquettes, que nos Saunages Hurons appellent Agnonra , sont deux ou trois fois grandes comme les nostres. Les Montagnais, Canadiens et Algoumequins, hommes, femmes, filles et enfans auec icelles suiuent la piste des animaux, et la beste estant trouuée, et abattue à coups de flesches et espées emmanchées au bout d'vne demye picque ,

qu'ils savent dextrement darder : ils se cabanent, et là se consolent, et iouïssent du fruict de leur trauail, et sans ces raquettes ils ne pourroient courir l'Eslan ny le Cerf, et par conséquent il faudroit qu'ils mourussent de faim en temps d'hyuer.

Pendant le iour nous estions contii^uellement visi-

io5 tez d'vn bon nombre deSau || uages, et à diuerses intentions; car les vns y venoient pour l'amitié qu'ils nousportoienty et pour s'instruire et entretenir de discours auec nous : d'autres pour voir s'ils nous pourroientrien desrober, ce qui arriuoit assez souuent, iusqu'àprendrede nos cousteaux, cueilliers, escuellesd'escorce ou de bois, et autres choses qui nous faisoient besoin : et d'autres plus charitables nous apportoient depetis presens, comme du bled d'Inde, des Citrouilles, des Fezolles, et quelquesfois des petits Poissons boucanez, et en recompense nous leur donnions aussi d'autres petits presens, comme quelques aleines , fer à fiesches, ou vn peu de rassade à pendre à leur col, ou. à leurs oreilles; et comme ils sont panures en meubles, empruntants quelqu'vnde nos chaudrons, ils nous le rendoient tousiours auec quelque reste de Sagamité dedans , et quand il arrivoit de faire festin pour un deffunct, plusieurs de ceux qui nous aymoient nous en enuoyoient, comme ils faisoient au reste de leurs parenset amys, selon leur coustume. Us nous venoient aussi souuent prier de festin ; mais nous n'y allions

io6 que le plus rarement qu'il nousestoit possible, |[ pour ne nous obliger à leur en rendre , et pour plusieurs autres bonnes raisons.

Quand quelque particulier Saunage de nos amys venoit nous visiter, entrant chez-nous , la salutation

estoit ho, ho, ho, qui est vne salutation de ioye, et la seule voix ho, ho , ne se peut faire que ce ne soit quasi en riant, tesmoignans par là la ioye et le contentement qu'ils auoient de nous voir; car leur autre salutation Quoye, qui est comme si ondisoit : Qu'estce , que dites-vous ? se f>eut prendre en divers sens , aussi est-elle commune enuers les amys, comme enuers les ennemys, qui respondent en la mesme manière Quoye , ou bien plus gracieusement Yatoro , qui est à dire, mon amy, mon compagnon, mon camarade, ou disent Atlaquen^ mon frère, et aux filles Eadsé^ ma bonne amie, ma compagne, et quelquesfoisaux vieillards Yaisîan^ mon père, Honratinoron^ oncle, mon oncle, etc. Ils nous demandoient aussi à petuner, et plus souuent pour espargner le petun qu'ils auoient dans leur sac ; car ils n'en sont iamais desgarnis : mais comme la foule y estoit souuent si grande, qu'à peine auionsnous place en nostre Cabane, nous {| ne pouuions pas j^-

leur en fournir à tous , et nous en excusions , en ce qu'eux-mesmes nous traictoient ce peu que nous en auions et cette raison les rendoit contens.

Vne grande invention du Diable, qui fait du singe par tout est que comme entre nous on salue de quelque dévote prière celui ou celle qui esternuë , eux au contraire , poussez de Satan , et d'yn esprit de vengeance, entendans esternuer quelqu'vn, leur salut ordinaire n'est que dés imprécations , des iniures et la mort mesme qu'ils souhaitent et désirent aux Yroquois , et à tous leurs ennemys, dequoy nous les reprenions , mais il n'estoit pas encore entré en leur esprit que ce fustmal faict, d'autant que la vengeance leur est tellement coustumiere et ordinaire , qu'ils la

tiennent comme vertu à Tendroict de l'ennemy estranger , et non toutefois enuers ceux de la propre Nation, desquels ils sçauent assez bien dissimuler , et supporter vn tort ou iniure quand il faut. Et à ce propos de la vengeance ie diray que comme le General de la flotte assisté des autres Capitaines de nauires, eussent par certaine cérémonie, ieté vne espée dans

io8 la rivière Sainct Laurens au temps de la || traicte, en la présence de tous les Sauuages , pour asseurance aux meurtriers Canadiens qui auoienttué deux François, que leur feute leur estoit entièrement pardonnée, et enseuelie dans l'oubly, en la mesme sorte que cette espée estoit perdue et enseuelie au fonds des eauës. Nos Hurons, quisauent bien dissimuler, et qui tiennent bonne mine en cette action , estans de retour dans leur pays tournèrent toute cette cérémonie en risée, et s'en mocquerent , disans que toute la coJere des François auoit esté noyée en cette espée , et que pour tuer un François on en seroit dores nauant quitte pour vne douzaine de castors.

Pendant l'hyuer, que lesEpicerinys se vindrent cabaner au pays de nos Hurons, à trois lieues de nous, ils venoient souuent nous visiter en nostre Cabane pour nous voir, et pour s'entretenir de discours auec nous : car comme i'ay dict ailleurs, ils sont assez bonnes gens, et sçauent les deux langues, la Huronne et la leur, ce que n'ont pas les Hurons, lesquels ne sçauent ny n'apprennent autre langue qu« la leur , soit par négligence, ou pour ce qu'ils ont moins affaire de

109 leurs voysins, que leurs || voysins n'ont affaire d'eux. Ils nous parlèrent par plusieurs fois d'vne certaine Nation à laquelle ils vont tous les ans vne fois à la

traite, n'en estans esloignez qu'enuiron vne Lune et demye , qui est. vn mois ou six sepmaines de chemin tant par terre que par eau et riuiere. A laquelle vient aussi trafiquer vn certain peuple qui y aborde par mer , auec des grands basteaux ou nauires de bois , chargez de diuerses marchandises , comme haches, faictes en queue de perdrix, des bas de chausses, auec les souliers attachez ensemble . souples neantmoins comme vn gand, et plusieurs autres choses qu'ils eschangent pour des pelleteries. Ils nous dirent aussi que ces personnes -là ne portoient point de poil, ny à la barbe ny à la teste, (et pour ce par nous sur-nommez Testes pelées) et nous asseurerent que ce peuple leur auoit dict qu'il seroit fort ayse de nous voir, pour la façon de laquelle on nous avoit dépeinct en son endroict , ce qui nous fit coniecturer que ce pouuoit estre quelque peuple et nation policée et habituée vers la mer de la Chine , qui borne ce pays vers l'Occident, comme il est aussi borné de la mer Océane, enuiron les 40. degrez vers l'Orient, || et espérions 110 y faire vn voyage à la première commodité auec ces Epicerinys, comme ils nous en donnoient quelque espérance, moyennant quelque petit présent, si Tobedience ne m'eust rappelle trop tost en France : car bien que ces Epicerinys ne veulent pas mener de François séculiers en leur voyage , non plus que les Montagnais et Hurons n'en veulent point mener au Saguenay, de peur de descouurir leur bonne et meilleure traicte , et le pays où ils vont amasser quantité de pelleteries : ils ne sont pas si resserrez en nostre endroict , sçachans desia par expérience , que nous ne nous meslons d'aucun autre trafic que de celui des

âmes y que nous nous efforçons de gaigner à lesus- Christ.

Quand nous allions voir et visiter nos Sauuages en leurs Cabanes, ils en estoient pour la pluspart bien ayses, et le tenoient à honneur et faueur, se plaignans de ne nous y voir pas assez souuent, et nous faisoient par-fois comme font ordinairement les Merciers et Marchands du Palais de Paris, nous appelans chacun à son foyer, et peut-estre sous espérance de quelque aleine, ou d'vn petit bout de III ras- Il sade, de laquelle ils sont fort curieux à se parer. Ils nous faisoient aussi bonne place sur la natte auprès d'eux au plus bel endroict, puis nous offroient à manger de leur Sagamité, y en ayant souuent quelque reste dans leur pot : mais pour mon particulier l'en prenois fort rarement, tant à cause qu*il sentoit pour l'ordinaire trop le poisson puant, que pour ce que les chiens y mettoient souuent leur nez, et les enfants leur reste. Nous auions aussi fort à dégoust et à contre-cœur de voir les Sauuagesses manger les pouls d'elles et de leurs enfants; car elles les mangent comme si c'estoit chose fort excellente et de bon goust. Puis comme par-deçà que l'on boit l'vn à Tautre, en présentant le verre à celuy à qui on a beu, ainsi les Sauuages qui n'ont que de l'eau à boire, pour toute boisson, voulans festoyer quelqu'vn, et luy monstrer signe d'amitié, après auoir petuné luy présentent le petunoir tout allumé, et lious tenans en cette qualité d'amis et de parens, ils nous en offroient et presentoient de fort bonne grâce : Mais, comme ie ne me suis iamais voulu habituer au petun, ie les en remerciois, et n'en prenois nul-

lement, dequoy ils estoient au com- || mencement 1 1 2 tous estonnez, pour n'y auoir personne en tous ces pays-là, qui n'en prenne et vse, pour à faute de vin et d'espices eschauffer cet estomach, et aucunement corrompre tant de cruditez prouenantes de leur mauuaise nourriture.

Lorsque, pour quelque nécessité ou affaire, il nous falloit aller dVn village à vn autre, nous allions librement loger et manger en leurs Cabanes, ausquelles ils nous recevoient et traictoient fort humainement, bien qu'ils ne nous eussent aucune obligation : car ils ont cela de propre d'assister les passans, et receuoir courtoisement entr'eux toute personne qui ne leur est point ennemie : et à plus forte raison, ceux de leur propre Nation, qui se rendent l'hospitalité réciproque, et assistent tellement l'vn l'autre, qu'ils pouruoyent à la nécessité d'vn chacun, sans qu'il y ait aucun panure mendiant parmy leurs villes et villages, et trouuoient fort mauuais entendans dire qu'il y auait en France grand nombre de ces nécessiteux et mendians, et pensoient que cela fust faute de charité qui fust en nous, et nous en blasmoient grandement.

1 1 3 \\Du pays des Hurons, et de leurs villes y villages et cabanes.