Chapitre X

os Saunages, et généralement tous les peuples des Indes Occidentales, ont de tout temps l'vsage des dances; mais ils l'ont à quatre fins : ou pour agréer à leurs Démons, qu'ils pensent leur faire du bien, ou pour faire festeàquelqu'vn, ou pour se resiouyr de quelque signalée victoire, ou pour preuenir et guérir les maladies et infirmitez qui leur arriuent.

i5i II Lorsqu'il se doit faire quelques dances, nuds, ou couuerts de leurs brayers, selon qu'aura songé le malade, ou ordonné le Médecin, ou les Capitaines du lieu , le cry se faict par toutes les rues de la ville ou du village, aduertissant et inuitant les ieunes gens de s'y porter au iour et heure ordonnez, le mieux matachié et paré qu'il leur sera possible, ou

— io5 • —

en la manière qu'il aura esté ordonné, et qu'ils prennent courage, que c'est pour vne telle intention, nommant le suiet de la dance : ceux des villages circonuoysins ont le mesme aduertissement, et sont aussi priez de s'y trouuer, comme ils font, à la volonté d'vn chacun : car l'on n'y contraint personne.

Cependant on dispose vne des plus grandes Cabanes .du lieu, et là estans tous arriuez, ceux qui ne sont là que pour estre spectateurs, comme les vieillards, les vieilles femmes et les enfans se tiennent assis sur les nattes contre les establies, et les autres au dessus, du long de la Cabane, puis deux Capitaines estant debout, chacun vne Tortue en la main (de celles qui seruent à chanter et souffler les malades) chantent ainsi au milieu de la dance, vne chanson, à laquelle ils accordent le son || de leur Tortue ; puis i52 estant finie ils font tous vne grande acclamation disans, Héééé, puis en recommencent vne autre, ou répètent la mesme iusques au nombre des reprises qui auront esté ordonnées, et n'y a que ces deux Capitaines qui chantent, tout le reste dit seulement, Het, het, het, comme quelqu'un qui aspire avec véhémence : et puis tousiours à la fin de chaque chanson vne haute et longue acclamation, disans Héééé.

Toutes ces dances se font en rond, du moins en oualle, selon la longueur et largeur des Cabanes; mais les danceurs ne se tiennent point par la main comme par deçà, ains ils ont tous les poings fermez; les filles les tiennent l'vn sur l'autre, esloignez de leur estomach, et les hommes les tiennent aussi fermez, esleuez en l'air, et de toute autre façon, en la manière d'vn homme qui menace, auec mouuement

— io6 —

et du corps et des pieds, leuans l'vn et puis Tautre, desquels ils frappent contre terre à la cadence des chansons, et s'esleuans comme en demysauts, et les filles branslans tous le corps, et les pieds de mesme se retournent au bout de quatre ou cinq petits pas,

i53 vers celuy ou celle qui les suit, || pour lui faire la révérence dVn hochement de teste. Et ceux ou celles qui se demeinent le mieux, et font plus à propos toutes les petites chimagrées, sont estimez entr^eux les meilleurs danceurs, c'est pourquoy ils ne s'y espargnent pas.

Ces dances durent ordinairement vne, deux et trois apres-disnées, et pour n'y receuoir d'empeschement à y bien faire leur deuoir, quoy que ce soit au plus fort de Thyuer, ils n'y portent iamais autres vestemens ou couuertures que leurs brayers, pour couurir leur nudité, si ainsi il est permis, comme il Pest ordinairement, sinon que pour quelqu'autre suiet il soit ordonné de les mettre bas, n'oublians neantmoins iamais leurs colliers, oreillettes et brasselets, et de se peinturer par-fois; comme au cas pareil les hommes se parent de colliers, plumes, pein- , tures et autres fatras, dont l'en ai veu estre accommodez en Mascarades ou Caresme-prenans, ayans vne peau d'Ours qui leur couuroit tout le corps, les oreilles dressées au haut de la teste, et la face couuerte> excepté les yeux, et ceux-cy ne seruoient que de portiers ou bouffons, et ne se mesloient dans la

1 54 dance que par interualle, à cause qu'ils || estoient destinez à autre chose. le vis vn iour vn de ces bouffons entrer processionnellement dans la Cabane où se deuoit faire la dance^ auec tous ceux qui estoient

de la feste, lequel portant sur ses espaules vn grand chien lié et garotté- par les pattes et le museau, le prit par les deux jambes de derrière au milieu de la Cabane, et le rua contre terre par plusieurs fois, iusqu'à ce qu'estant mort il le fist prendre par vn autre, qui Talla- apprester dans vne autre Cabane pour le festin à Tissuë de la dance.

Si la danee est ordonnée pour vnè malade, à la troisiesme ou dernière apres-disnée, s'il est trouué expédient, ou ordonné par Loki, elle y est portée, et en l'vne des reprises ou tour de chanson on la porte, en la seconde on la faict vn peu marcher et dancer, la soustenant par sous les bras : et à la troisiesme, si la force Lui peut permettre, ils la font vn peu dan*cer d'elle-mesme, sans ayde de personne, luy criant cependant tousiours à pleine teste, Etiagon outsahonne, aehieteq anateUence, c'est à dire: prend courage femme, et tu seras demain guérie, et après les dances finies ceux qui sont destinés pour le festin y || vont, et les i55 autres s'en retournent en leurs maisons.

Il se fit vn iour vne dance de tous les ieunes hommes, femmes et fille toutes nues en là présence d'me malade, à laquelle il fallut (traict que je ne scar commen excuser, ou passer sous silence) qu'vn dé ces ieunes hommes luy pissast dans la bouche, et qu'elle auallast et beust cette eau, ce qu'elle fit avec un grand coarage, espérant en receuœr guerison : car clle-mesme désira que le tout se fit de la sorte, pour accomplir et ne rien obmettre du songe qu'elle en avoit eu : que si pendant leur songe ou resuerié il leur vient encore en la pensée qu'il faut qu'oa

— io8 —

leur fasse présent d'vn chien noir ou blanc, ou dVn grand poisson pour festiner, ou bien de quelque chose à autre vsage, à mesme temps le cry en est faict par toute la ville, afin que si quelqu'vn a vne telle chose qu'on spécifie, qu*il en fasse présent à vn tel malade, pour le recouurement de sa santé : ils sont si secourables qu'ils ne manquent point de la trouuer, bien que la chose soit de valeur ou d'importance entr*eux; aymans mieux souffrir et auoir disette des choses, que de manquer au besoin à vn 1 56 malade; || et pour exemple, le Père loseph auoit donné vn chat à vn grand Capitaine, comme vn présent très-rare (car ils n'ont point de ces animaux;. Il arriua quVne malade songea que si on lui auoit donné ce chat qu'elle seroit bien-tost guérie. Ce Capitaine en fut aduerty, qui aussi tost luy enuoye son chat bien qu'il Taymast grandement, et sa fille encore plus, laquelle se voyant priuée de cet animal, qu'elle aymoit passionnément, en tombe malade, et meurt de regret, ne pouuant vaincre et surmonter son affection, bien qu'elle ne voulust manquer au secours et ayde de son prochain. Trouuons beaucoup de Chrestiens qui vueillent ainsi s'incommoder pour le seruice des autres, et nous en louerons Dieu.

Pour recouurer nostre dé à coudre, qui nous auoit esté desrobé par vn ieune garçon, qui depuis le donna à vne fille, ie fus au lieu où se faisoient les dances, et ne manquay point de Ty remarquer, et le r'auoir de la fille qui l'auoit pendu à sa ceinture, auec ses autres matachias, et en attendant l'issue de

la dance, ie me fis repeter par un Sauuage vne des chansons qui s'y disoient, dont en voicy vne partie que i*ay icy escrite.

Il Ongyata éuhaha ho ho ho ho ho , iSj

Eguyotonuhaton on on on on on

Eyontara éientet onnet onnet onniî

Eyontara éientet àà à onnet, onnet, onnet, ho ho ho.

Ayant escrit ce petit eschantillon d'vne chanson Huronne, i ay creu qu'il ne seroit pas mal à propos de descrire encore icy vne partie de quelque chanson, qui se disoit un iour en la Cabane du grand Sa* gamo des Souriquois, à la louange du Diable qui leur auoit indiqué de la chasse, ainsi que nous ap-. prist vn François qui s*en dist tesmoin auriculaire, et commence ainsi.

Haloet ho ho hé hé ha ha haloct ho ho h ,

ce qu'ils chantent par plusieurs fois : le chant est sur ces notes,

Refa sol sol re sol sol fa fa re re sol sol fa fa.

Vne chanson finie, ils font tous vne grande exclamation, disans hé. Puis recommencent vne autre chanson, disans,

Egrigna hau, egrigna héhéhuhu ho ho ho, égrigna hau hau hau.

Le chant de cette-cy estoit : Fa fa fa, sol sol, fa fa, re re^ sol sol, fa fa fa^ re, fa fa, sol sol, fa. Âyans faict Tcx-

^- IIO —

clamation tccoustumée^ilsen commencèrent vne aui58 trequi chan- 1| toit : Tameia alleluidy tameia à don yeni, hau hau^ hé hé. Le chant en estoit : Sol sol sol^fa fa^ re re re^ fa fa^ sol sol soly fa fa^ re te.

Les Brasiliens en leurs Sabats, font aussi de bons accords, comme : hi hé hé hé hé hé hé hé hé héy auec cette note, fa fa sol fa fa sol sol sol sol soL Et cela faict s^escrioyent d'vne façon et hurlement espouuentable Pespace d'vn quart d'heure, et sautoient en Tair auec violence, iusqu'à en escumer par la bouche, puis recommencèrent la musique, disans ; Heu heàraàre heàra heùraùre heàra heàra ouek. La note est : Fa mi re sol sol sol fa mi re mi re mi ut re.

Dans le pays de nos Huron, il se faict aussi des assemblées de toutes les filles d'vn bourg auprès d'vne malade, tant à sa prière, suyuant la resuerie ou le songe qu'elle en aura eue, que par l'ordonnance de Loki, pour sa santé et guerison. Les filles ainsi assemblées, on leur demande à toutes, les vues après les autres, celuy qu'elles veulent des ieunes hommes du bourg pour dormir auec elles la nuict prochaine : elles en nomment chacune vn, qui sont aussi tost aduertis par les Maistres de cérémonie, lesquels vien- 1 59 nent tous au soir en la présence de la malade, || dormir auec celle qui l'a choysi, d'vn bout à l'autre de la Cabane, etpassent ainsi toute la nuict pendant que deux Capitaines aux deux bouts du logis chantent et sonnent de leur Tortue du soir au lendemain matin, que la cérémonie cesse. Dieu vueille abolir vne si damnable et mal-heureuse cérémonie, auec toutes celles qui sont de mesme aloy, et que les François qui les fomentent par leurs mauuois exemples, ou-^

urent les yeux de leur esprit pour voir le compté tres-estroict qu'ils en rendront un iour deuant Dieu.

De leur mariage et concubinage.