Chapitre XII

ONOBSTANT que les femmes se donnent carrière auec d'autres qu'auec leurs marys, et les marys auec d'autres qu'auec leurs femmes, si est-ce qu'ils ayment tous grandement leurs enfans, gardans cette Loy que la Nature a entée es cœurs de tous les animaux, d'en auoir le soin. Or ce qui faict qu'ils ayment leurs enfans plus qu'on ne faict par deçà (quoy que vitieux et sans

respect) c'est qu'ils sont le support des pères en leur vieillesse , soit pour les ayder à viure, ou bien pour les deffendre de leurs ennemis, et la Nature conserue en eux son droict || tout entier pour ce regard : à i68 quoy ce qu'ils souhaitent le plus, c'est d'auoir nombre d'enfans, pour estre tant plus forts, et asseurez de support au temps de la vieillesse, et neantmoins les femmes n'y sont pas si fécondes que par-deçà : peutestre tant à cause de leur lubricité c(ue du choix de tant d'hommes.

La femme estant accouchée, suyuant la coustume du pays, elle perce les oreilles de son enfant auec vne aleine, ou vn os de poisson, puis y met vn tuyau de plume, ou autre chose, pour entretenir le trou, et y pendre par après des patinotres de Pourceleine, ou autre bagatelle, et pareillement à son col, quelque petit qu'il soit. Il y en a aussi qui leur font encore aualler de la graisse ou de l'huile, si tost qu'ils sont sortis du ventre de leur mère ; ie ne sçay à quel dessein ny pourquoy, sinon que le Diable (singe des œuures de Dieu) leur ait voulu donner cette inuention, pour contre-faire en quelque chose le sainct Baptesme, ou quelqu'autre Sacrement de TEglise.

Pour l'imposition des noms, ils les donnent par tradition, c^est à dire, qu'ils ont || des noms en grande 169 quantité, lesquels ils choisissent et imposent à leurs enfans : aucuns noms sont sans significations, et les autres auec signification, comme Yocoisse^ le vent, Ongyata, signifie la gorge, TochingOy grue, Sondaqua^ aigle, Scoutdy la teste, TonrUy le ventre, Taïhy, vn arbre, etc. l'en ay veu vn qui s'appeloit loseph ; mais ie n'ay pu sçauoir qui luy auoit imposé ce nom-là, et

— ii8 —

peut-estre que parmy vn si *grand nombre de noms qu'ils ont, il s'y en peut trouuer quelques-vns approchans des nostres.

Les anciennes femmes d'Allemaigne sont louées par Tacite, d'autant que chacune nourrissoit ses enfans de ses propres mamelles, et n'eussent voulu qu'vne autre qu'elles les eust allaictez. Nos Sauuagesses, auec leurs propres mamelles, allaictent et nourrissent aussi les leurs, et n'ayant point l'vsage ny la commodité de la bouillie, elles leur baillent encore des mesmes viandes desquelles elles vsent, après les auoir bien maschées, et ainsi peu à peu les esleuent. Que si la mère vient à mourir auaht que l'en&nt soit sevré, le père prend de l'eau, dans laquelle aura très-bien boûilly du bled d'Inde, et en 170 emplit sa || bouche, et ioignant celle de l'enfant contre la sienne, luy faict receuoir et aualer cette eauê, et c'est pour suppléer au deffaut de la mamelle et de la bouillie, ainsi que i'ay vue pratiquer au mary de nostre Sauuagesse baptizée. De la mesme inuention se seruent aussi les Sauuagesses, pour nourrir les petits chiens, que les chiennes leur donnent, ce que ie trouuois fort maussade et vilain, de ioindre ainsi à leur bouche le museau des petits chiens, qui ne sont pas souuent trop nets.

Durant le iour ils emmaillottent leurs enfans sur vne petite planchette de bois, où il y a à quelquesvnes vn arrest ou petit aîz plié en demy rond au des-' sous des pieds, et la dressent debout contre le plancher de la Cabane, s'ils ne les portent promener auec cette planchette derrière leur dos, attachée auec vn collier qui leur prend sur leur front, ou que hors du maillot

ils ne les portent enfermez dans leur robe ceinte deuant eux, ou derrière le dos presque tous droits, la teste de Penfant dehors, qui regarde d'vn costé et d'autre par dessus les espaules de celle qui le porte.

L'enfant estant emmaillotté sur cette || planchette, 171 ordinairement enjoliuée de petits Matachias et Chapelets de Pourceleine, ils luy laissent vne ouuerture deuant la nature, par où il faict son eau, et si c'est vne fille, ils y adioustent vne feuille de bled d*Inde renuersée, qui sert à porter l'eau dehors, sans que l'enfant soit gasté de ses eauës, et au lieu de lange (car ils n*en ont point) ils mettent sous-eux du duuet fort doux de certains roseaux, sur lesquels ils sont couchez fort mollement, et les nettoyent du mesme duuet; et la nuict ils les couchent souuent tousnuds entre le père et. la mère, sans qu'il en arriue, que très-rarement, d'accident. Tay veu en d'autres Nations, que pour bercer et faire dormir l'enfant, ils le mettent tout emmaillotté dans vne peau, qui est suspendue en l'air par les quatre coins, aux bois et perches de la Cabane, à la façon que sont les licts de reseau des Matelots sous le Tillac des nauires, et voulans bercer l'enfant ils n'ont que fois à autre à donner vn bransle à cette peau ainsi suspendue.

Les Cimbres mettoient leurs enfans nouueaux naiz parmy les neiges, pour les endurcir au mal, et nos Saunages n'en || font pas moins; car ils les 172 laissent non seulement nuds parmy les Cabanes; mais mesmes grandelets ils se veautrent , courent et se ioûent dans les neiges, et parmy les plus grandes ardeurs de l'esté, sans en receuoir aucune incommoditéy comme i'ay veu en plusieurs, admirant que ces

petits corps tendrelets puissent supporter (sans en estre malades) tant de froid et tant de chaud, selon le temps et la saison. Et de là vient qu'ils s'endurcissent tellement au mal et à la peine, qu'estans de* uenus grands, vieils et chenus, ils restent tousiours forts et robustes, et ne ressentent presque aucune incommodité ny indisposition, et mesmesles femmes enceintes sont tellement fortes, qu'elles s'accouchent d*elles-mesmes, et n'en gardent point la chambre pour la pluspart. Ten ay veu arriuer de la forest, chargées d'vn gros faisseau de bois, qui accouchoient aussitost qu'elles estoient arriuées, puis au mesme instant sus pieds, à leur ordinaire exercice.

Et pour ce que les enfans d'vn tel mariage ne se peuuent asseurcr légitimes, ils ont cette coustume entr'eux, aussi bien qu'en plusieurs autres endroicts 173 des Indes || Occidentales, que les enfans ne succèdent pas aux biens de leur père ; ains ils font successeurs et héritiers les enfans de leurs propres sœurs, et desquels ils sont asseurez estre de leur sang et parentage, et neantmoins encore les ayment-ils grandement, nonobstant le doute qu^ils soient à eux, et que ce soient de tres-mauuais enfans pour la pluspart, et qu'ils leur portent fort peu de respect, et gueres plus d'obeyssance : car le mal-heur est en ces pays là, qu'il n'y a point de respect des ieunes aux vieils, ny d'obéissance des enfans enuers les pères et mères, aussi n'y a-il point de chastiment pour faute aucune ; c'est pourquoy tout le monde y vit en liberté, et chacun faict comme il l'entend, et les pères et mères, faute de chastier leurs enfans, sont souvent contraincts souffrir d'estre iniuriez d'eux, et par-fois

battus et esuentez au nez. Chose trop indigne et qui ne sent rien moins que la beste brute ; le mauuais exemple, et la mauuaise nourriture, sans chastiment et correction, est cause de tout ce desordre.

Il De l'exercice des jeunes garçons et jeunes filles, 174