Chapitre XV

NT RE toutes ces Nations il n'y en a aucune qui ne diffère en quelque chose, soit pour la façon de se gouuerner et entretenir, ou pour se vestir et accommoder de leurs parures, chacune Nation se croyant la plus sage et mieux aduisée dt toutes (car la voye du. fol est tousiours droicte deuant ses yeux dict le Sage). Et pour dire ce qu'il me semble de quelques-vns, et lesquels sont les plus heureux ou misérables, ie tiens

les Hurons, et autres peuples Sédentaires, comme la Noblesse : les Nations Algoumequines pour les Bourgeois, et les autres Saunages de deçà comme Montagnets et Canadiens, les villageois et panures du pays : et de faict, ils sont les plus panures et nécessiteux de tous, car encore || que tous les Saunages i85 soient misérables, en tant qu'ils sont priuez de la cognoissance de Dieu, si ne sont-ils pas tousiours également misérables en la iouyssance des biens de cette vie, et en l'entretien et embellissement de ce corps misérable, pour lequel seul ils trauaillent et se peinent, et nullement pour l'ame, ny pour le salut.

Tous les Saunages en gênerai, on l'esprit et l'entendement assez bon, et ne sont point si grossiers et si lourdauds que nous nous imaginons en France. Ils sont d'vne humeur assez ioyeuse et contente, toutesfois ils sont vn peu saturniens, ils parlent fort posément, conrnie se voulans bien faire entendre, et s'arrestent aussi-tost en songeans vn grande espace de temps, puis reprennent leur parole, et cette modestie est cause qu'ils appellent nos François femmes, lors que trop précipitez et boûillans en leurs actions, ils parlent tous à la fois, et s'interrompent l'vn l'autre. Ils craignent le des-honneur et le reproche, et sont excitez à bien faire par l'honneur; d'autant qu'entr'eux celuy est tousiours honoré, et s'acquiert du renom, qui a faict quelque bel exploict.

Il Pour la libéralité, nos Saunages sont louables en i86 l'exercice de cette vertu, selon leur pauureté : car quand ils se visitent les vns les autres, ils se font des présents mutuels : et pour monstrer leur galantise, ils ne marchandent point volontiers, et $e contentent

de ce qu'on leur baille honnestement et raisonnablement) mesprisans et blasmans les façons de faire de nos Marchands qui barguignent vne heure pour marchander vne peau de Castor : ils ont aussi la mansuétude et clémence en la victoire enuers les femmes et petits enfans de leurs ennemis, ausquels ils saunent la vie, bien qu'ils demeurent leurs prisonniers pour seruir.

Ce n'est pas à dire pourtant qu'ils n'ayent de l'imperfection : car tout homme y est suiet, et à plus forte raison celuy qui est priué de la cognoissance d'vn Dieu et de la lumière de la foy, comme sont nos Saunages : car si on nient à parler de l'honnesteté et de la ciuilité, il n'y a de quoy les lolier, puis qu^'ils n'en pratiquent aucun traict, que ce que la simple Nature leur dicte et enseigne. Ils n'vsent d'aucun compliment parmy-eux , et sont fort-mal propres et 187 mal nets en î'apprest de leurs || viandes. S'ils ont les mains sales il les essuyent à leurs cheuueux, ou aux poils de leurs chiens, et ne les lauent iamàis, si elles ne sont extrêmement sales : et ce qui est encore plus impertinent, ils ne font aucune difficulté de pousser dehors les mauuais vents de l'estomach parmy les repas, et en présence de tous. Ils sont aussi grandement addonnez à la vengeance et au mensonge, ils promettent aussi assez, mais ils tiennent peu : car pour auoir quelque chose de vous, ils sçauent bien flatter et promettre, et desrobent encore mieux, si ce sont Hurons, ou autres peuples Sédentaires, enuers les estrangers, c'est pourquoy il s'en faut donner de garde, et ne s'y fier qu'à bonnes enseignes, si on n'y veut estre trompé.

Mais si vn Huron a esté luy-mesme desrobé, et désire recouurer ce qu'il a perdu, il a recours à Loki ou Magicien, pour par le moyen de son sort auoir cognoissance de la chose perdue. On le faict donc venir à la Cabane, là où après auoir ordonné des festins, il faict et pratique ses magies, pour descouurir et sçauoir qui a esté le voleur et larron, ce qu'il faict indubitablement , à ce qu'ils disent , si celuy qui a ]! faict le larcin est alors présent dans la mesme Ca- i88 bane, et non s'il est absent. C'est pourquoy le Fran • çois qui auoit pris des Rassades au bourg de To nchain^ s'enfjiten haste en nostre Cabane, quand il vitariiuer Loki dans son log's, pour le suiet de son larcin, sans que nous ayons sceu, que quelques iours après, qu'il s'estoit ainsi venu réfugier chez-nous pour vn si mauuais acte que celui-là.

Pour ce qui est des Canadiens et Montagnets, ils ne sont point larrons (au moins ne l'auons-nous pas encore apperceu en nostre endroict) et les filles y sont pudiques et sages, tant en leurs paroles qu'en leurs actions, bien qu'il s'y en pourroit peut-estre trouuer entr'elles qui le seroient moins. Mais les Sauuages les plus honnestes et mieux appris que i'aye recogneu en vne si grande estenduë de pays, sont, à mon aduis, ceux de la Baye et contrée de Miskou, parlant en gênerai ; car, en toute Nation, il y en a de particuliers qui surpassent en bonté et honnesteté, et les autres qui excédent en malice. l'y vis le Saunage, du bon Père Sebastien Recollet, Aquitanois, qui mourut de faim, auec plusieurs Sauua- || ges, 189 vers sainct lean, et la Baye de Miscou, pendant vn hyuer que nous demeurions aux Hurons, enuiron

quatre cens lieues esloîgnez de luy : mais il ne sentoit nullement son Sauuage en ses mœurs et façons de faire ; ains son homme sage, graue, doux et bien appris, n'approuuant nullement la légèreté et inconstance qu'il voyoit en plusieurs de nos hommes, lesquels il reprenoit doucement en son silence et en sa retenue, aussi estoit-il vn des principaux Capitaines et chefs du pays.

Des cheueux et ornemens du corps.