LE I1EV DES ESCHECZ
Or chacun Roy faisoit dueil de sa Royne.
Mais le lict vefue à tous deux est en haine.
Pourtant conuient, puisque male fortune
Ha point les leurs, chercher femme opportune, Quoy qu'est tousiours l'amour premier loyal : Donc le Roy blanc conuie au lict royal
Quelle que soit des compagnes jadis
De la feu Royne : et lesquelles tandis
Qu'elle viuoit, la seruoient à grand’ presse : Et qui despuis sa mort par grand’ destresse Changées sont en femmes corps et âme, Voulant mourir pour la mort de leur dame.
Mais tout premier qu'en laisse point monter A son lict, veult celle experimenter,
Et voir si ha en bon lieu le cueur mis,
Tant que penetre au camp des ennemis.
Car ne sera aucune du Roy digne,
Qui la premier n’aille à l'extrême ligne
Par force et coups veoir le contraire Roy,
De ce les prie, et ainsi faict la loy.
Toutes à coup leurs grandz cœurs arresterent, Et quant et quant à courir commencerent Droit par dedans maint ennemy et lance :
Dont plus que point la troisieme s’aduance, Et trotte gay deuers la dextre corne, Songeant combien le nom de Royne exorne, Qui seule peult au Roy durant sa vie
Estre conioincte, et regner sans enuie,
Lors cest espoir laisserent ses compaignes, Car l'ennemy auoit par les campagnes
Des autres mis embuscade deuant.
Ceste tousiours passe outre, et tire auant, Qu’honneur et paix aux piedz donnent des ailes. Le rouge Roy sans faire autres querelles
La laisse aller : car il veult faire aussy Royne pour luy, qui ait part du soucy :
Et de rechef veult regarnir sa couche.
LE IEV DES ESCHECZ. 19
Ainsi chacun l’vn apres l’autre touche
Sans contredit, dont l’vne est par bon gré, la sur main gauche au quatriesme degré.
Mais trop tardif d’vn sault y est Mercure :
Car ia la blanche est hors de ceste cure, Ayant atteint le hault siege prospere.
Lors Phebus fit luy porter la grand chere, Et la tiare, et les sceptres luysans,
Et tous habits aux grand’s Roynes duisans.
Grand feste en faict la blanche compagnie.
De quoy Mercure en souspirant renie, .
Ne retenant presque les larmes d’œil,
Car à sa garse il ne fault qu’vn cercueil, Qu'’aussi ne soit la Royne. Ah miserable !
Elle void bien le coup espouuentable,
Dont la menasse vn Roc de sa massue,
Si elle va plus auant, dont tressue : .
Car quand l’engarde ainsi d'aller au bout, Ce temps pendant la blanche gaste tout, D'orgueil qu'elle ha d’estre Royne nouuelle.
Elle foudroye, et romp teste et ceruelle
A qui rencontre : et faict peur mesme es cieux. Estre voudroient les rouges chassieux,
Ou aueuglés, pour ne voir tels partis,
Ou que la terre eust tous eux engloutis, Tant ha leur camp destruict et confondu Ceste homme femme, ou cest homme fendu.
0 ceux heureux, qui viuante leur Dame Sont morts, et on sufflé la virile ame :
Veu qu'ont repos, et n'ont à faire guerre, Ne veoir ce monstre aller par dessus terre.
0 grand fierté d’Espousée nouuelle |
Tous vont fuyant les mains de la cruelle, Et pres du Roy au grand palais s’assemblent, Ne plus ne moins que quand les vaches tremblent Par les haultz monts sentant venir leloup,
Pres du toreau s’assemblent à vn coup
LE iEU DES ESCHECZ.
Aide querant, s’entrefrottent les cornes, Et mugissant font retentir les bornes
Du boys qui rend vn bruit tout enroué, Tel ont ceux-cy leur cœur mal enioué :
Dont de plus fort la Royne furieuse
Les charge apres : et n'est plus curieuse Que d’assaillir ke Roy dans son palais, Sans luy donner à se sauuer relais.
Trotte, cour, vole, et n’ha aucun repos.
Mais si eust eu son bon sens à propos, Pouuoit le Roy ce coup cy rembarrer, Et du quarreau quatriesme le serrer Fort par les flancs; et ce fut esté l’heure Derniere au Roy de la rouge pareure :
Dont à bon dpoict l’ennemy pleureroit, Car aisement de ce coup il mouroit, Sans que nully à son secours peust estre.
Bien l'apperceut Mercure : et pour y mettre Remede prompt, qui lostast de danger, Crie à Phebus de soudain desloger,
Et tost jouer : que cé coup il ne voye :
Et son esprit rauit par autre voye.
Puis du tarder le temps, en luy disant :
N'ha tu point honte à jouer si pesant ?
Quelle paresse! Est-ce ainsi que jadis
Ce hon Joueur t'enseigna pour ses dictz ?
Attendrons nous icy jusque à demain ?
De ce honteux Phebus dressa sa main Contre vne garse, et perdit sa fortune.
Mercure crie, et rid jusqu’à la lune :
Et tost secours donne au Roy sur le lieu Contre la Royne, en mettant au meillieu Yn Chewalier bien armé : et puis pense Comment pourra faire au Roc quelque offense, Qui engardoit la garse de venir
Au lict du Roy, et le hault bout tenir.
Vn Fol tend l'arc, et puis à trauers tire,
LE IEV DES ESCHECZ. Lai
Et par les flancs print la mortelle vire
Le poure Roc : qui fit trembler la terre
Du pesant coup, quand mort il cheut grand erre, Et quand en vain Phebus sa Roy s'amuse,
La rouge garse alors de son droict vse :
Et gayement au plus hault reng bondit :
Dont de garse est Royne sans contredit.
Adonc les Roys ayans reprise aleine
Font nouueaux choez menant chacun sa Royne, Et quoy que soit doubteuse l'esperance,
Et le hazard n’ait aucune asseurance :
Mereure au fort comme s’il feust certain
Sans faulte nufle auoir le prix hautain :
Ainsi tout aise esclaircist son visage,
Mais j'ay grand’ peur qu’il verra autre ouurage. Ce faulx ne faict que gaudir et jaser :
Et les siens vante, et les blancs veulent gloser. Quoy reprenant Apollo, luy va dire
Non, non, Mercure, il n’y ha rien que rire Fortune encor’ n’ha faict sa main derniere :
Et vous desia faietes braue maniere.
Mais faictes la lors que vous jouyrés
De la victoire. Au fort vous ne l'aurez.
Car de ma main feray vostre Oye Aragne
Et ce disant met sa Royne en campagne.
Dont tout soudain de rechef se causa
Yn fier assault : car chacun proposa
De ne céder l'vn à l’autre autrement.
Voila donc tout plus courageusement
Pleur et terreur, et image de mort
Sont là par tout. Là les Roys de leur fort
Sortent souvent, et grandz coups se presentent : Changent de lieu, sont front, et puis s’absentent : Qui fuit, qui fuit, puis l'vn, puis l'autre aprez, Puis à leur fort retournent tout exprez
Pour y veiller, et en chasser la peste.
Bien joue icy fortune la moleste
LE IEV DES ESCHECZ.
Des conuoiteux espris, et bien faict fendre Les cueurs qui sont impatiens d'attendre.
La Royne rouge alors grandz maux faisoit :
Mais de cela la blanche se taisoit,
Taschant d’aller droit par secrette voye
Au beau palais du Roy, pour meilleur proye, Ce qu’elle fit, tuant toute la garde :
Puis veult tuer le Roy, s’il ne se garde,
Dont ce voyant l’autre senglante Royne,
Se retira vers son Roy hors d’alleine, Laissant son meurtre et dessaing imparfaict.
Mais, d malheur! las qu'est-ce qu'elle ha faict! Quand elle veult pour le pays mourir,
Et de bon cueur son bon Roy secourir,
Tout au deuant de l'ennemy s’est mise,
Et d'yne garse absconse ne s’aduise,
Qui seule estoit demeurée des blancs :
Et d’vn poignar frappa la Royne es flancs.
Dont jouyssant des despouilles opimes,
Elle et son nom manda aux bas-abysmes.
0 creuecueur, qu’à Mercure ha ce esté!
Dont peu s’en fault qu’il ne soit transporté. Meshuy est-il sans espoir : et la grace
Des Dieux luy ha du tout tourné la face :
Sa force est cheute. Alors Phebus joyeux
Du bon succès, et du bienfaict des Dieux, Touche le ciel tant il est hautain d’aise.
Mais au rebours rien n’est que l’autre appaise : ‘Car n’ha plus qu'vn Cheualier vaillant sage, Qui pour sauuer sou Roy faict plus que rage.
Mais le temps n’ha besoing de tel secours,
Ne de ruade, ou pennade, ou contours.
Car le Roy blanc maistrise la campagne :
Duquel la Royne en sang toute se baigne,
Et du Roy rouge enuironne la tente,
Le menassant de ruine presente.
Au fort auant qu’y paruenir piqua
LE IEV DES ESCHECZ.
D'vn fort estoc les flancs du reliqua
De l’autre camp, qui estoit à cheual.
Tost le pouret tresbucha mort aual :
Et beau. mourir luy fut de telles mains.
La Royne au Roy lors tira des coups maints, Qui estoit seul comme la belle estoile, Quand Aurora les tenebres desuoile
Au jour poignant, faict encores lumiere :
Et au despart est seule et la derniere.
Ainsi est seul ce Roy, sans esperance D’auoir victoire : au fort faict repugnance, Et à nully bon gré ne se veult rendre :
Ains chercheroit parmy ennemys prendre Lieu transuerseux, d’où il ne peult fuir, Sans que premier on l'eust sceu envahir, Car lors seroit ce feu nul et sans prix,
Et vain trauail que Phebus auroit pris.
Doncques fuyant ce Roy par vuides lieux, Va çà et là, fort triste et soucieux
De veoir aussi son beau Regne desert Mais le Roy blanc vn pas aprez ne pert En luy laissant neantmoins tousiours place Pour s'enfuir, jusques que besoing face, Puis voyant là sa Royne, qui de loing
Le regardoit deuers le dernier coing,
Se mist auprez de l’autre Roy, non tant Qu’vn quarre entre eux ne demeure pourtant, Car la loy veult que les Roys approcher Ne se pourront jusques à eux toucher :
Ains entredeux auront au moins vn large.
Ains le blanc de trois pas l’autre charge :
Et de si prez le fugitif estrainct,
Qu'’à s’arrester deuant luy le contrainct.
Et d'vn quarreau en est loing seulement.
Ce que voyant la Royne, hardiment
Court au plus prez exploiter sa fortune. L'autre ne void d’eschapper voye aucune :
LE IEV DES ESCHECZ.
Qu’enclos il est de la Royne et du Roy.
Ne luy fault plus que dire : Eschec à toy, Fuy t'en Tyran, ce qu’il voudroit bien faire : Mais est trop prez de l'autre Roy contraire.
Ainsi vaincu et mat est le Roy rouge :
Qui ne pouuant soy bouger ne se bouge.
Lors son estoc tira la Royne blanche,
Et dans le corps le luy mist jusqu'au manche.
Ainsi finist ce jeu par piteux sort :
Mais le tout pleut aux assistans bien fort
Dont ont grandy et ris à l’auantage.
Le blond Phebus remplit tout le riuage
D’aise et de joye : et tant le vaincu presse,
Que de douleur le brusle et de destresse:
Lors Jupiter hucha Phebus le beau :
Et pour guerdon luy donna le flambeau Perpetuel du rond soleil doré,
Pour le régir par le ciel azuré.
. Dont nous voyons qu’il le faict tous les ans Courir par douze Astres signes lifysans :
Et tous les jours tourne en vingt et quatre heures Ce monde immens : encores qu'aussi seures Spheres des cieux tournent contre au rebours. Or bien recors Phebus de ces bons tours
De sa chaleur recrée l’alme terre, ê Dont produit fruictz sans fin, et puis grand’ erre Plonge de nuict, ses cheuaux eschauffés,
Dans l’Ocean, d’or et pourpre estoffés :
Et de son hoste il faict les moictes champs Reluyre tous de ses rayons seichans. :
Là cependant qu’il banquette viandes
Donnent manger belles nymphes friandes
A ses cheuaulx Rozes et Ambroisie,
Et Triolct : et mainte herbe choisie
Au bord de mer mettent au rastelier
D'eux bien congneu; où ilz sont sans lier...
LE IEV DES ESCHECZ.
Dès ce. temps là, jassoit que le soleil Par tout ailleurs luist beau, clair ct vermeil : Il fuit, à Mars, de Rhodope tes rocz, Hemon, Hebrus, et de Strymon les flotz, Et les malings et cruelz lieux de Thrace.
Qu’ä peine il void, et par despit loing passe. ‘ Des lors par froid roide est [a region Hyperborique, et le Septentrion :
Tant eut de force et iniure et l'abus Du bouys emblé par Mars contre Phebus.
De là, Vulcan, feut fondé le delict, Dont Mars marry fit finesse à ton lict :
” Ou (soy vengeant) Phebus le fit veoir nu :
Quoy qu’à Venus il feust bien attenu.
De l’autre part Mercure triste accuse Fées et cieux, et par rochers s'amuse Errant tout seul : on faict fleuues et larmes, D'auoir perdu le jeu aux sainctes armes.
© nous heureux si les guerres trop vrayes Ne faisoient point plus ‘angereuses playes!
Alors voyans Tritons et Nymphes vagues, Mesme Ocean leur Roy, croistre les vagues .
Des larges pleurs de Mercure et sangloute, Et la nouuelle Espousée sur toute, :
Ont eu du dueil desmesuré pitié, Et Jupiter prient par amitié Que quelque chose à ce poure aussi donne, Pour conforter si dolente personne.
Dont fut content, et octroia qu’il eust L’heureuse verge, à tout laquelle esmeut Du profond Stix les nectoyées ames Quand ont lauez leurs delicts par les flammes : Et de laquelle il enferme aux enfers Tous les meschans en prison noyre et fers, Et à noz yeux donne et oste sommeil.
” Mesme quand l’on porte mortz au cercueil, Fermant leurs yeux de Lethés les arroze.
LE IEV DES ESCHECZ.
Puis ailes d’or mit à ses piedz de roze, Dont fendant l'air les mandemens porter De son grand pere il puisse et rapporter, Et au surplus d’absolue puissance
Luy commanda qu’en Italie et France Deust enseigner ce noble et plaisant ieu, Ce que fit-il. Et puis aprez vn peu
Le fit descrire au grand Cremonois Vide, Au nom heureux de s’amye Echequide,
Qui au monde est des Nymphes la plus belle,
Re il vn iour fit femme de pucelle, and seule au lac Fontainebleau passoit Les cygnes blancz, et rien tel ne pensoit.
Dont luy donna ce beau Bouys qu’auons dit, Pour vn loyer de l’honneur que perdit,
Et outre plus la dicte paincte table
D'or et d'argent pesante et delectable :
Et puis apres le ieu luy enseigna
Auquel si bien la Nymphe besoigna,
Que d’elle print ce ieu nom et honneur :
leu célébré de tout noble seigneur, Mesme en France et en toute autre part,
Voyla le tout que faché d’vn hasard J'en sceus chanter gardant nostre maison, Au bruit de l’eau transuersant sur l'Auson.
