LE I1EV DES ESCHECZ
Eten chemin quelqu'vn dernier laisser.
Aux Cheualiers c'est permis seulement.
Or les deux Roys marchent plus cautement.
Comme ceux là où gist toute esperance
De la bataille, et toute l’asseurance,
Car quand le Roy n’est encore rendu,
Tous ont bon cueur : luy prins, tout est perdu. Le Roy tous tire auecques sa fortune.
Il pense assis, et à luy faict chacune Personne honneur : tous le veulent defendre, Et tous pour luy souhaittent de mort prendre, Et d'exposer biens, vie et corps pour luy,
Qui n’ha grand soing d'endommager autruy :
Ains seulement se couure et fuit mort proche. Mais si trop rres quelque ennemy s’approche, De l’offenser il ha total pouuoir.
Loing diuaguer n’ose pour son deuoir :
Mesme depuis qu’il ha changée place
Le premier coup, auquel où il veult passe,
Yn seul quarreau saulte en vn par chacun, Soit quand il tue, ou quand ne tue aucun.
Voylà les poincts, voylà les lois qu'ont mises Ces gens de bien en leurs jeux et deuises.
Et quand Eglé le fiffre aux champs flustoit, Vn gros Triton le tabourin battoit.
Or pour sçauoir qui premier commencer Doibt ce conflict, Phebus vint à haulser Sur l’Eschequier vn soldat : qu'il jecta,
Et qui sur vn blanc quarreau s’arresta, Dont il conuient, à Phebus qu’acommenses, Qui le camp blanc gouuernes et dispenses.
Adonc Phebus mist le soldat auant, Qui de sa Royne estoit tout au ceuant, . Et deux quarreaux en vn sault luy fit faire.
LE IEV DES ESCHECZ.
Mercure aussi met son soldat contraire
Droit à cestuy : qui en vain se menassent :
Car à costé non tout droict leurs coups passent. Tost au secours vindrent de toutes pars
Leurs compaignons, tout est plein de soldarts, Qui soulager s'entreueulent. Au fort
De la bataille encor n’est le plus fort :
Ains vous diriés que Mars parmy les armes
S'en va jouant sans donner grans alarmes :
-Encor ne faut que tenter escarmouches,
0 braues gens! ne leur faudroit que bouches, Parolle et voix, pour faire guerre vraye,
Tant sont mutins dire qui les esmaye
Lors le soldat qu’auoit joué Mercure
Au despourueu d’vn traict fit ouuerture
Au flanc d’vn blanc par temeraire audace,
Et le tua : puis se mit en sa place.
Las le pouret n'auoit veu le truant,
Qui tost occis fut d’vn autre en tuant.
Le cault Mercure alors son Roy logea
A gauche au lieu de son Roc, qu’il rengea Au lieu du Rov, qu'il fit enuelopper
De maintz soldatz. Lors plus qu’à gallopper Des deux costez, vont Cheuaux sur main gauche : Qui brise l’vn, qui l’autre soldat fauche.
C'estoit pitié ceste jeunesse veoir
Meurdrir ainsi, pour faire ne pouuoir
Vn pas arriere. Or tandis que Phebus Pense à tuer soldatz, faict grand abus :
Car plus hault mal le fin Mercure pense, De son cheual senestre faire offense
Au peuple blanc, dans lequel tant il passe, Que d’accabler et Roy et Roc menasse.
Dont aduerty Phebus de secourir
L’eschec du Roy, se plainct de voir mourir Son pauure Roc sans le pouuoir defendre :
LE IEV DES ESCHECZ,. 11
Gar luy conuient surtout au Roy entendre, Qu'il retira vers le dextre costé.
Lors aisément le Cheualier monté Dessus Bayard donne au Roc mort soudaine Qui fut grand’ perte, estant apres la Royne Les Rocz du camp les plus fermes bastons.
Adonc ceignit Phebus des Pietons Le Cheualier contraire : qui moult tremble, Quand contre luy void tant de gens ensemble.
Fuir ne peult : car la Royne bien fort De loing luy crie, et le veult mettre à mort : Mais d'vn rempart de gens est empeschée :
Lequel osté et de luy approchée, Le tue, et faict de vengeance vn beau coup.
Le peuple blanc s’enhardit tout à coup, Pleignant au sort voir vn sien costé moindre. Non plus ne moins que quand deux toreaux joindre L'on void d’assault au combat, dont l’vn ha Pas vne corne au coup que luy donna L'autre et luy fit si deshonneste playe.
Pour s’en venger il surpasse mainte haye, Lauant son col de sang abondamment L'air retentist du grand mugissement.
Tel cliquetis font harnois de la bande Du roc perdu dont Phebus ne demande Que tout confondre : et sans espargner riens Faict consumer les autres et les siens.
11 n’ba defect d'art, ne d'experience :
Mais il est prompt, et peu au danger pense.
Mercure est froid, et vn larron plus fin, Qui faict son cas tousiours visant la fin.
Quand joue vn coup tient l'autre dans sa manche Et tasche fort contre la Royne blanche.
Dont tont exprez vn Roc ou vn soldard, Ou vn fol pousse, et le laisse en hazard, A celle fin que Phebus s’y amuse, Ne s’aduisant de sa Royne. 0 grand ruse :
LE IEV DES ESCHECZ.
Comme vn passant quand finement alesche Le gros mastin, qui son chemin empesche :
Auquel presente un pain de main senestre, Et puis luy rue vn caillou de la dextre.
Ainsi faisoit Mercure ce faulx traistre :
Qui puis faignant de son erreur congnoistre, Court souspirant ses pieces retiroit.
Ah le Reynard, desia aux flancs tiroit
Le traict du Fol dextre contre la Royne :
À quoi Phebus ne prend garde, mais traine Yn sien soldat contre la rouge bande
Lors eut Venus vne pitié si grande
De ce meschef, qu’en fit à Phebus signe,
Et l'aduertit comme bonne voisine.
Phebus s’arreste : et tenant en sa main
Le dit soldat, le remist tout soudain :
Et court oster sa Royne de danger.
Mercure crie et ne faict que ronger
Son frein, disant que la Royne est perdue.
Estant des Dieux cette cause entendue, Sont este fort diuers d'opinions.
Lors dict Phebus. Afin que nous venions Au poinct, messieurs, quel si grand mesfaict est-ce De redresser sa main qui par simplesse Tendoit de haste à trop basse rencontre?
Yeu mesmement que nul pacte n’est contre.
Dont si tu veux, à Mercure, y pouruoir, Fays telle loy : que qui voudra mouuoir Vn de ses gens, s’il le touche ilira,
Et du dur Mars les dangers sentira.
A ce des Dieux le conseil s’accorda.
Lors Jupiter vers Venus regarda
Tout courroucé : Mercure n’y print garde :
Mais peu s’en fault que de despit il narde, Et que le jeu ne trouble pesle mesle.
Au fort pensa qu'il vaincroit par cautelle :
Et fit ainsi que si son Fol couroit
LE IEV DES ESCHECZ.
Prendre la Royne, et n’estoit pas en droict.
Dont s’aperceut Phebus : et soubriant
Aux assistans va dire : Ah le friant
Comme à larcin ha tousiours sa main preste !
Ta main chastie, à Mercure, et t’apreste :
Car pus en moy ne trouueras vn sot.
Les Dieux trestous rirent fort de ce mot.
Mercure adonc fit son Fol auancer
Par son deu cours, faignant de n’y penser.
Mais ia Phebus est trop sage et veillant.
Mais ce Mercure en jasant et raillant
Joue des mains : et le meschant et cault Feroit aller deux ensemble à l’assault,
Si l'ennemy ne tenoit l'œil au guet.
Un rouge Fol s’est mis fort en aguet
* D'vn Cheual blanc, qui remarche sa Royne.
Tandis le Roc là contre se pourmeine
Par le palais. Adonc le Cheualier
Voulut le Roy et la Royne lier :
Et franche proye emporter en cuidoit.
Mais ce pendant le fol son arc tendoit :
Puis descocha contre la fiere beste
Quoy qu’vn soldat void, qui mort luy apreste.
Mais telle mort ne luy est peine aucune, Pour maintenir la liberté commune.
Le trect se tint au ventre du Cheual,
Ou descendit l'acier profond à val :
Choit à l'enuers en terre, et l'air il frappe Des piedz : et puis sa vie luy eschappe.
Puis ce soldat abbat le Fol : et puis
Luy mesme est pris d’vn autre aussi de buis Grans chocs se font, et les Folz et les Rocz
Ruent grands coups, et se donnent grands chocz.
Le camp qui fut diuers, tout rouge semble,
Et des grandscoups des piedz des cheuaulx tremble.
Ah sises gens eussent artillerie,
14 + EB IEV DES ESCHECZ.
Oncques ne fut plus belle frotterie.
En wn vertu, et fortune conuiennent.
Les uns de prez, les autres loing se tiennent. Tel chasse autruy, qui puis bien tost s'ensuit. Non plus ne moins que la grand’ mer qui bruit Par gonflement de la forte tourmente.
Puis va, puis vient, puis descroist, puis augmente, Pousse et retire en vn moment ses vndes.
Mais plus que vous faict grands playes profundes La Royne blanche, ains cruelle amnazonne Au seul tetin, qui les soldatz moissonne.
Que vn Fol rouge estant devant son pas, Et au retour à vn Roc faict son cas.
Elle fou roye à destre et à senestre, Et faict plouuoir maintz coups, et maintz mal estre, Tous luy font lieu, tous la fuyent bien fort : Par coups, par maux s’encourt à belle mort, En s’asseurant de sa legère fuite, Va au fin 1 bout du camp : puis revient viste : Et plus que d'homme ha noble et grand courage, Et fend la presse, et partout faict passage : . Dont semble aduis que de son glaiue sorte 4 Roue ou moulin de feu qui tout emporte.
Brief, peu s’en fault que par ire et grand fiel A guerroier ne prouoque le ciel. : De l’autre part le gouuerneur des rouges Quasi tremblant vse cousteaux et vouges, Et de sa Royne implore l’ayde aussi :
Qui comparoist se monstrant sans mercy Contre ennemis par grand’ force et veriu.
Mais quel premier ou dernier faulches-tu, 0 vierge Royne? ou quel ne mets par terre?
Rouges et blancs, Folz et Cheuaulx de guerre, Et les soldatz sont ja presque tous morts.
Qui est celuy qui en seroit recors?
Ou qui a plein les defuncts capitaines Sçauroit descrire et leurs gloires hautaines ?
LE IEV DES ESCHECZ. 45
Tout le camp est de bouys ouuré couvert.
Par quoy plus fort s’est le conflit ouuert :
Et sans esgard, ruent dessus les bandes,
Les gens de pied, de cheual, et kes grandes Roynes ce coup s’en veulent acquiter,
Auec propos de premier ne quicter L’assault, que soit ou l’vne ou l'autre morte, Et que leur vie auec le sang n’en sorte.
Mesme la blanche oultre tout par ceans, Comme Anglois fist la pucelle d’Orleans.
Ce temps pendant de ces peuples les maistres Tenoient captifs les corps mortz hors des cloistres Du camp des vifz, auec expresses lois,
Que qui seroit mort ou prins vne fois,
Plus ne viendroit guerroyer en ce monde.
Mars, qui Mercure aymoit d'amour profunde, Estant assis là près du blond Phebus, Pensa si point pourroit jouer d'abus Pour profiter à l'amy qu’il n'oublie :
Tant il songea qu’à la fin il desplie Secrettement deux eaptifz trespassés, Et sur les champs tost les ha redressés, D'vn rouge Fol et soldat fut l’emblée.
Ces galans cy reprenoient la meslée, Et menoient mains fort courageusement.
Comme l'on dit, Mars fit non autrement, Que font Médée ou Alcine sorcieres, Ressuscitans quelques corps morts n’ha guieres, Quand par vertu de leurs esprouués charmes, D'herbes fourgés et mysterieux carmes, Fourreat dedans faulse âme, voix, et ton, Huchaat souuent Echate et Pluton, Tant que ce corps marche et prend air celeste. Vulcan, qui seul auoit compris le reste De la finesse, à Phebus dit le faict.
Ains luy cria ne souffrir tel mesfaict.
LE IEV DES ESCHECZ.
Pasle deuint Mars de se veoir surprendre :
Et à Vulcan promist bien le luy rendre.
Mais grand despit les os à Phebus brusle,
Dont dez ce temps entre eux n’eut onc paix nulle : De tant l'iniure est du supposé buys.
Lors Jupiter tensa Mars plein d’ennuis,
Mist hors du camp ces deux gaste mestier,
Les faulx coups bien, Phebus en son entier.
Ainsi tous deux ardoient par plus grand’ rage Qu'auparauant de faire mal mesnage,
Et de rechef mettent Roynes es champs, Tainctes de sang, roulans glaiues tranchans, Quand par malheur chacune en desaroy S’est retirée au deuant de son Roy.
Car tost la blanche à la rouge au col saulte, Et la liura à mort : mais la mal caulte Receut‘aussi par derriere aux entrailles
Vn coup mortel d'vn Fol. O funerailles :
Les Roynes sont mortes des deux costez.
Vers qui ont tous leurs tristes yeux jectés,
- Pensant courir mediciner leurs dames.
‘ Mais ia auoient rendues les deux ames, .
* Qu’aux flancs fisché est le fer si tres hault,
Que ia leur cœur le dernier froid assault.
Lors eust on dit par le feminin pleur, Qu'estoient peris les. deux camps, à malheur ! Les Roynes deux de courage inuaincu
En estat braue ont peu de temps vescu.
Tous d'ordre en deuil hors des camps emportoient
A pleins -chariotz les corps qui morts estoient. Puis viennent tous autour des tabernacles Des Roys-dolents, comme vers leurs oracles.
Tous mesme peur, tous semblable tempeste, Tous vn deluge ont senty sur leur teste,
Au fort du tout n’est leur force encor seiche :
LE IEV DES ESCHECZ. 47
Encor, y ha aide et jeunesse fresche.
Vn Fol, vn Roc ha Phebus : et autant
En ha Mercure, vn excepté pourtant :
Qu’estant son Roc pieca en beau seiour,
En peu d'honneur fina son dernier jour,
Et comme vain hypocrite de guerre,
Sans resister fut tué ains par terre,
Quictant et vie et armes tout ensemble
D’vn coup de trect d'vn Fol, qui les luy emble, L'ayant frappé de loing à la poictrine.
Mais son Cheual fait fort superbe mine,
Pour bien seruir encor ! Quant au surplus Hazard de guerre ha tout mis à non plus,
Et désolés les gens jadis si braues.
Dont maintz souspirs faict Mercure des graues Et grands seigneurs trespassés de son host.
Bien s’en souuient : perd et prend espoir tost, Et poulse auant ses bandes ja lassées,
Qui reliqua sont des pertes passées,
Pour veoir si point fortune reparer
Voudroit les maux qu'elle ha faict endurer.
Ainsi son camp marche, et il delibere
S'il peult de nuire en maschant sa colere.
Contre lequel s’esmeult d’autre façon,
Par prompt assault, le Cynthien garson.
‘Quel piteux veoir las faict ces vieilles bandes, Et par les champs places vuides et grandes, Ducs et Barons prins ou meurdris estans, .
Et leurs palais sont vefues d’habitans!
Comme aduient quand le laboureur auare Pour semer bled rend les bois espes rare
De sa cognée, et couppe en toutes pars : :
Ce qu'appellons faire aux monts des essars.
Cheus sont hormeaux jadis des forests gloire, Chaines, cyprez, hectres : et pour mémoire Ha là laissés quelques arbres meschans
Seuls et sans fruict au soulas des haults champs.
