Il y a dans les mss. : « après

estoient contraires, que de longtemps avoient esté en guerre et controverse pour très petite occasion. Car, ainsi que pour les haultes et grandes querelles viennent les grans divisions entre les puissans et riches hommes, semblablement entre les povres s'esmeuvent noises et discensions' pour assez pou de chose : car nul ne veult laisser perdre son droit.

Or est-il ainsi que, en passant mon chemin que j'avoie entreprins soubz saulf-conduit pour éviter le dangier des ennemys du party dont je tenoie, arrivay à l'un des chasteaulx dessus dis, lequel se nommoit Luc^, contraire à l'autre chasteau nommé Verset^. Certes tous deux estoient mal emparez et très povrement ediffiez. Si estoit la loge de l'eschauguette descouvertc et moult ventilleuse* ; par quoy cellui qui faisoit le guet, n'estoit pas bien garanty de tous costez contre le vent. Et semblablement le portier estoit fort subject au chault et au hasle l'esté et l'y ver ^ au froit et à la gellée, ainsi que je povoie appercevoir. La grande povreté que c'estoit de leur fait, seroit bien difficile à racompter, ainsi qu'il est communément de toutes gens de guerre ; car ilz sont nez et ordonnés à paine et travail ; mais leur resconfort est du tout en