Var. : « par un advancement de faincte félicité. » Id

3. Le capitaine do Luc est Guillaume do Brézo, qui avait pris Chàtcau-l'ErmiUige (Luc), et sous les ordres duquel Jean de

fist asçavoir le cappitaine au Jouvencel qu'il se mist à finance et il trouveroit manière de le ravoir et en bailleroit son seellé. Par quoy icellui Jouvencel se composa avec son maistre et se mist à rençon. Et, pour ce qu'il n'estoit pas grant argentier et qu'il avoit plus applicqué son entente à vaillance que à avarice, par quoy il n'eust pas peu payer grant somme de denyers, il se fist fort de leur baillier ung bon cheval pour sa délivrance. Et sur ce point il envoya Jehannin l'archier, qui estoit avec lui prisonnyer, lequel il plega corps pour corps, pour finer et pourchasser envers son cappitaine la raençon qu'il avoit promise, qui ainsi le fist. — Sy s'en alla à Luc et obtint le seellé de son cappitaine pour la délivrance d'eulx deux, ouquel estoit promis rendre et baillier au seigneur de Crathor ung cheval baiart, qui estoit meilleur et de plus grant pris de tous les chevaulx qui estoient au cappitaine de Luc. Ainsi retourna Jehannin l'archier avec le seellé de son cappitaine et furent tous deux délivrez. Par quoy puet apparoir la fin et conclusion de ce chappitre, en tant qu'il touche la délivrance du Jouvencel. Mais à ce propos puet estre narré ung exemple et recité pour admonestement.

Ou temps de Charles le Grant, jadis roy de France et des Rommains, empereur des Allemaignes, après la grant destrousse de Rolland et Ohvyer et autres vaillans hommes, en ce temps là ducs, contes, pers et fiefvez de France, qui fut faitte es plains de Roncevaux par l'admirai Balligand, qui pour lors occu-

Bueil (le Jouvencel) servait dans cette place. (Voir Commentaire, XV, et plus haut, p. 2.)

poit les marches de Gecille et partie des Espaignes , demoura avec le roy dessus dit l'un des douse nommé Ogier, duc de Dannemarche, qui fut l'un des grans hommes et des vaillans dont soit mémoire es fais et histoires des anciens François. Sy servy bien et deuement son droitturier et souverain seigneur. Mais, par envye et à l'instigation d'aucuns qui le desiroient grever et travailler, après ce que Charles le Gros aisné fîlz du roy, eut occis et tué le filz du dit Ogier, nommé Baudouin, en esbatant et jouant aux eschez, comme racompte l'histoire plus amplement, icellui Ogier, avec le trouble de son fîlz, fut prins et mys en prison, mais non pas sans grant resistence. Si sont les causes et façons de son emprisonnement contenuz plus au long es livres et cronicques de ses gestes ^ Neantmoins ceste prison lui tourna puis à grant prouffit, grant honneur et haulte renommée, combien qu'il y fut par l'espace de sept ans. Mais ce pendant son couraige doubla, sa force augmenta et cellui qui le persécuta, eut grandement à faire de son ayde. Si fut délivré et mis hors de prison à son preu et honneur et en lui accordant ce qu'il demandoit. Par quoy puet apparoir comment joye et aise ne puent estre continuelz; car, si ainsi estoit, ilz desplairoient. On pourroit reciter plusieurs autres histoires d'aucuns nobles, qui, par cas de fortune, ont esté prisonnyers ou temps passé ; mais la grâce de Dieu les a visitez. Lesquelz je délaisse pour le présent pour venir au très vaillant et courageux Jouvencel, (jui, durant sa captivité, n'avoit pas esté esbahy ne deftaillant de couraige ;