Var. : « oii vous n'aurez nul mal. » G

LE JOUVENGEL, 1 1 1

d'armes et tous les archiers ; après, le mareschal et tous les autres mallades et blechiés ou millieu, et puis les prisonnyers ; et le Jouvencel estoit derrière atout la grant bataille des lances.

Ainsi s'en retournèrent à Grathor sains et sauves à la mercy Dieu! atout leur prinse. Et leur vindrent au devant le Gappitaine, le sire de Roqueton et ceulx qui estoient demourez en la ville avec eulx et qui les reçeurent à moult grant joye. Et, quant ilz furent dedens la ville, le Gappitaine et le Jouvencel commandèrent que messire Guillaume Boucqueton et tous les gens de bien de sa compaignie fussent bien et honnourablement traictiez. Et baillèrent au Mareschal médecins, myres et barbiers pour faire garir ses playes. Et ainsi demourerent en la ville par une espace de temps et acreut leur renommée par tout le pays. Si n'estoit nouvelles que d'eulx et de leurs beaux fais d'armes. Parquoy ilz estoient amez et chéris de leurs amys, crains et redoubtés de leurs ennemis. Et tellement entretindrent la ville en paix et tout le pais d'environ selon le conseil et bonne ordonnance du Gappitaine, comme dessus a esté recité, que, en bien pou de temps, le pueple multiplia et fructiffierent les marchandises. Et s'entretindrent et gouvernèrent bien et honnourablement. Ainsi appert ce qui est dit au commencement de ce chappitre, et comment quant on est venu à chief d'aucune bonne œuvre, on ne doit pas estre reffroidy ; mais doit-on tousjours de plus en plus persévérer et en faire d'autres, en continuant et persévérant de mieulx en mieulx. Et en cecy est terminée la fin et conclusion de ce présent chappitre.

112 LE JOUYENCEL.

GHAPPITRE VI.

Comment V entreprise fut faitte sur la ville d'EscaUon ; comment les gens de guerre doivent sieuvre bonne querelle et eulx humblement conduire à leur povoir ; et, qui vuelt faire bonne conqueste, doit fuyr trois principaulx vices , c'est assavoir : orgueil, envije et avarice, lesqueh sont bien deduitz en ce présent chappitre par belles histoires et exemples.

Tous orgueilleux se veullent aucunement comparoir à Dieu, en tant qu'ilz présument le bien et la vertu, qui est en eulx, s'aucune en y a, procéder d'eulx mesmes et non mye de leur souverain Créateur. Parquoy à la parfin ceulx sont deceuz et puent recongnoistre leur oultrccuidance, ainsi qu'il sera recité plus amplement es instructions et enseignemens, qui seront baillés et remonstrés au Jouvencel par le cappitaine de Luc ^ et aussi par le Mareschal , duquel nous avons parlé pluseurffois par cy devant. Mais, premièrement et avant toute œuvre, f'ault entrer en la matière principalle et reciter comme après la rencontre ^ faitte par le Jouvencel et sa compaignie ou logis dessus dit, qui estoit à XII lieues^ ou environ loing dudit Grathor, après aussi que le chief des ennemis lut prins et mené en la ville prisonnyer, les nouveaulx victoriens firent grant joye et menèrent grant feste et triumphe pour