Var. : « soixante. » B

sire de Roc(jueton dit à Guyon : « Allons, vous et « moy, après ces compaignons, pour savoir si nous « orrons riens. »

Ainsi partirent le sire de Rocqueton et Guyon ; et tant chevauchèrent qu'ilz vindrent à trouver le premier de leurs escouttes, qui leur dist : a Mes com- « paignons m'ont dit que je demeure icy et vont eulx « deux: plus avant. » — « Vrayement, dit le sire de « Rocqueton, nous vous avons ouy de bien loing cli- « quêter; et escoutes^ ne doivent avoir riens qui « clicque. »

Ainsi passèrent plus avant le sire de Rocqueton et Guyon; et tant allèrent qu'ilz trouvèrent les deux escoutes, qui estoient approuchées prez du pont. Hz savoient le cry de la nuyt. Quant ilz ouyrent leurs gens, ilz demandèrent : « Qui vive? » Et ilz respondirent : « Sainct Michel! Parvanchières ! » qui estoit le cry de la nuyt. Puis assemblèrent ensemble et se congneurent et demandèrent : « Avez-vous riens « ouy? » — « N'oyez-vous pas, dient les deux, quel « bruit il y a au siège? » — « Or escoutez, dit chas- « cun. » Ainsi escouterent et puis le sire de Rocqueton dist : « Je oy bien gens qui sont entre cy et le « pont ; je vouldroye bien qu'ilz ne nous soubprissent « point et que nous ne feissons point la beste^. Escou- « tez tousjours, l'ung ça et l'autre là, au coing de celle « haye, afifin que ne soyons surpriz; et nous laissez, « Guyon et moy. » Ainsi escouterent le sire de Rocqueton et Guyon ensemble; et, comme ilz escoutoient,