Yar. : « la meuUe. » B. E. — t la meureté. » G. F

et suavité du temps ; les flourettes^ par Thumeur de la terre eschauffée et reprenant la vigeur de génération procédant des influences du soUeil, qui lors sont modérées et attrempées, pour ce que le cercle equinecial est en egalle portion vers orient et vers occident, décorent et embellissent^ les prez pour adoulcir les pasturages ^ aux bestes mues ;) le xxrv® jour d'icellui moys, que la solempnité est célébrée en laquelle fut conmiencée la conception de Nostre-Seigneur Jhesus-Crist*, advint que j'estoie party d'une place, en laquelle j'avoie longuement séjourné, pour aller en voyage nécessaire. Et, en passant mon chemin, me trouvay en pays moult desoUé et désert, pour tant que longtemps y avoit eu guerre entre les habitans du païs, qui moult estoient povres et en petit nombre ; car, pour vous dire, ce sembloit mieulx réceptacles de bestes sauvaiges qu'il ne sembloit estre habitation de gens. Néantmoins y avoit aucune conversation de menu pueple, ainsi qu'il y a souvent ou plat païs, et aucuns lieux habitez de povres gentilshommes, c'est assavoir chasteaulx et forteresses, qui pas n'estoient de grant ediffice, mais de povre closture et de vieille façon. Entre lesquelz en estoient deux assis l'un auprès ^ de l'autre et assez semblables en povreté ; mais de tant