Var. : f croissent et aguisent. • Éd. Vérard

5. Var. : f Et sont à présent de plusieurs trouvez les engins plus subtils et les faiz plus agus, dont les aultres prédécesseurs n'eurent oncques congnoissance. » Id.

c'est ce que j'ay disposé d'escrîpre en ce Prologue, pour parvenir et succéder à l'introitte et commencement de ce livre, ainsi qu'il s'ensuyt.

Cy fine le Prologue de l'acteur et conmience le premier chappitre de ce présent livre.

CHAPPITRE I.

Comment y en ce premier chappitre de la première partie nommée monostique^ l'acteur de ce livre se recommande à Dieu et à ses Saincts ; et en quel temps fut commencié ce dit livre ; et comme ce dit chevallier^ en allant en voyage qu'il avoit neccessairement à faire^ passa à saulf-conduit par certain pais moult destruit de guerre , où estoient plusieurs chasteaulx et forteresses de povre ediffice^ entre lesqueh en y avoit deux^ Vun nommé Luc et Vautre Verset^ de longtemps contraires Vun à T autre.

Ou nom du Père et du Filz et du Sainct-Esperit, de la benoite Vierge Marie, de monseigneur sainct Michiel l'angle et de tous angles et archangles, ay commencié ce livre à la gloire de Dieu et doctrine des gens de guerre, ainsi que cy après s'ensieut.

Vray est que , ou moys de mars , qui est commencement du printemps, (c'est le moys où les oyseaulx, par la doulceur de leurs voix, causent leur son doulx et mellodieux parmy les prez, les bois et les forests, qui commencent à verdoier, et toutes choses naturellement se resjouissent et renouvellent par l'aménité*