Madrier ou petit ais qui servait à couvrir les toits

50 LE JOUVENCKL.

aux ennemyz et y trouver tous les remèdes que on pourra tant par eaue que par terre. Lesquelles choses bien ordonnées, ainsi qu'il appartient, aprez que vous aurez fait batre la place des engins de vostre siège tant grotz que menuz, pourrez adviser le lieu le plus convenable et avantaigeux pour vous à assaillir la place. Pour laquelle chose faire, aprez que par certains moyens et subtilz engins aurez comblé les fossez, tant de bois que d'aultres choses, en manière que pourrez aller au pié du mur, vous mènerez ung engin nommé mouton, qui est fait de merrien, en guise de maison couverte dessus ; et en la couverture et tout à Tenviron sont clouez cuirs cruz et tous fraiz, qui en peult recouvrer,, affin que feu ne s'y puisse prendre. Ou front de cette maison a ung grant tref, qui a le bout tout couvert de fer groz et massiz. Gelluy tref on tire à chaisnes et est fait en manière que on le puisse bouter et retirer, tellement que ceulx qui sont dedans Tengin, pevent par ce tref ferir grans coups contre le mur, si que tout Festonnent^; et donne ses coups tout à la manière d'ung mouton qui reculle, quant il veult ferir. Ung autre engin y a qui s'appelle vigne*; mais, pour ce qu'on ne s'en scet bonnement aider, je me passe d'en parler. Et semblablement d'ung aultre grant engin appelle tour, lequel de présent n'est point en usaige. Mais, ledit engin bien assorti, ainsi que dit est , et voz eschielles bien dressées de tous costez, pourrez donner l'assault de toutes pars,