Voyez plus haut, p. 268, note

S74 COMMENTAIRE DU c JOUVENGEL ».

et vint le viconte de Thouars^ acompagné de plusieurs nobles de Poictou, pour renforcer le siège qui fut mis au Lude, et la place fort batue de bombardes et d'artillerie. Et estoit pour lors maistre de rartillerie ung nommé Bessonneau^, très noble et saige gentilhomme en son office et en toutes autres, où on le voloit employer. Les Ângloys misdrent leurs chevauk dehors quant ilz seurent la venue des Fraoçoys; et les destroussa Gervaise^ Nadereau, dont est fait mention ou livre du Jouvencely qui estoit serviteur en la compagnie du sire de Fromentières, qui estoit lors au siège. Jehan Tibergeau, seigneur de la Hothe, cappitaine des gens d*armes estans à Beaufort et au Louroux"^, eut la charge de faire le guet et les esootes, par où les Angloys povoient venir, tant sur les guetz du Loir que jusques aux portes du Mans. Et, pour descouvrir le pays, fut envoyé Garguesalle^, pour lors jeune gentilhomme qui ja commançoit fort à valoir, acompagné de douze à quinze hommes ; et rencontra dix-huit Ânglois qu'il destroussa entre Beaufort et le Lude. La place fut prinse d'assault et y entra renseigne du sire de Bueil, mon maistre, la première, laquelle porte ung rangier^ en son estandart, qui est bien congneu d'Ânglois et de Françoys. Et s'est trouvé ledit estandart en maint bon lieu depuis et avant;