C'est moi qui suis ce bien

i8o L'Internelle

Les aultres seront reputez grans el toez devant les hommes , mais de toy on ne dira mot. Les aultres seront reputez proffitables et utiles à faire ceste chose ou quelque aultre, mais on tereputera ou jugera inutile à quelque chose que ce soit. Pource, et par telles choses, seras-tu souvent centriste, mais ce sera grant proffit à toy se tu te tays et le portes paciemment. En ces choses et semblables est acoustumé d'estre prouvé le loyal serviteur de Dieu, comme il se doyt denyer et vaincre en toutes choses. Et n'y a quelque chose en quoy tu ayes plusgrant besoing de te mortifier comme en veoyr et souffrir choses contraires à ta voulenté, et mesmement quant on te demandera choses esquelles te semblera qu'il n'y ait point de proffit, mais grant dommaige et sans rayson ; et pource que tu n'oseras résister ou contredire plusgrant de toy, car tu es subject à aultruy, pource te semblera dure chose ainsi de tous pointz faire la voulenté d'aultruy, et mettre hors ton propre sens et voulenté.

Mais pense ung peu au fruit de tes labeurs, desquelz la fin est briefve , mais le loyer est tresgrant, et tu n'y auras point de griefveté ou peyne , mais te sera tresgrande consolacion et reconfort à ta pacience. Et pour ung pou de ta voulenté que tu ycy délaisses de ton bon gré , tu auras perpétuellement franche voulenté es cieulx, car là tu trouveras ce que tu vouldras , et tout le bien que tu pourroys désirer, et plus encores sans eomparaison. Là te

CONSOLACION. II. l8î

sera présente la faculté et puissance de tout bien, sans paour ou crainte de le jamais perdre. Là ta voulenté sera tousjours conjoincte à la mienne sans convoiter ou désirer quelque chose estrange ou foraine et privée , c'est à dire qu'elle n'y ait tout présent '. Là nul ne te résistera ou contredira, nul ne s'i complaindra de toy ou te accusera , nul ne t'empeschera ou résistera à ce que tu vouldras faire ou à avoir ce que tu vouldras avoir. Mais tous tes désirs seront accomplys et toutes affections et voulentez saoulées et rernplyes jusques à dire: je n'en vueil plus. Là je rendray gloire et honneur pour les injures et vilennies que on a souffert et portées pourmoy, louenge et exultacion pour pleurs et larmes ; pour le dernier lieu ou siège que on a eu en ce monde , c'est à dire pour l'humilité et déjection, le siège du règne perpétuel. Là se demonstrera le fruit d'obéissance, le labeur de pénitence, et tristesse se esjouyra ; l'humble subjection sera glorieusement couronnée.

Or doncques maintenant encline-toy humblement soubz la main de tous, et ne pren pas garde ou soyes curieux de regarder ou sçavoir qui a fait ou dit cecy ou cela , mais souverainement ayes cure et seing, que ce ^ c'est ou ton prélat ou esgal, pareil ou moindre de toy qui te demande ou dye quelque chose, prens tout en bien tantseuUement , et te estudie de l'acomplir de bon cueur et franche vou-

I. Que tous les objets de ses désirs seront présents en moi. 3. Se. 8i.

i84 L'Intehnelle

lente. Demande cestuy-cy * ce qu'il vouldra, et l'autre ce que mieulx à luy plaira; se glorifie l'ung en l'ung, l'autre en l'autre, et soit ungaultre loé mille milliers de foyz ! mais toy, esjoys-toy en ce que on te mesprise et condamne, et en ce que mon plaisir soit fait et mon honneur gardé. Ce dois-tu désirer que, soit par mort soit par vie. Dieu soit en toy glorifié et loué.

Que l'homme quant il est en desolacion se doit

offrir et presentfr à Dieu. Et est par

manière d'or ay son ou meditacion.

L* Chapitre.

on Seigneur et mon Dieu et Père sainct, ^) vous soyez loué et benoist maintenant et à perpétuité ! car ainsi qu'il vous a pieu a esté fait, et tout ce que vous faictes est bon et bel. Maintenant s'esjouyst vostre serviteur en vous, non pas en soy ou en quelque aultre chose; car vous tout seul estes ma joye et lyesse, mon espérance et ma couronne; vous estes, Sire, ma joye et mon honneur. Quelle chose peut avoir vostre serviteur, fors ce quil a receu de vous mesmement sans son mérite? Tout est vostre, Sire, ce que vous luy avez fait et donné. Je suys povre, en peines et labours dès ma jeunesse, et mon ame est aulcunesfoyz contristée et courroucée jusques aux lermes, aulcunesfoyz troublée en soy