Et qu'elle me donne

204 L'Intebnbile

cueur fait estre conjoinct ou prochain à Dieu. Je veulx que tu apreignes à parfaictement toy délaisser et denyer, à ce que tu ensuyres ma voulenté sans contradiction et murmuracion. Je suys la Voye, et Vérité, et Vie : sans la voye on ne peult cheminer; sans vérité ne peult-on rien congnoystre ou scavoir, sans vie ne peult-on vivre. Je suys la voye que tu dois ensuyr, la vérité à qui tu dois croyré , la vie que tu dois désirer. Je suys la voye qui ne laisse desvoyer, vérité infallible, et vie sans fin. Je suys la voye tresdroicte , la souveraine vérité , la vraye vie, benoiste vie, vie increé et éternelle. Si tu demeures en la voye, tu cognoystras la vérité, et vérité te affranchira et prendras la vie pardurable.

Se tu veulx entrer en la vie , garde les miens commandemens. Se tu veulx congnoistre la vérité, croy-moy. Se tu veulx estre parfaict , vens tout ce que tu as. Se tu veulx estre mon disciple , denye toy, c'est à dire ta propre voulenté. Se tu veulx avoir la vie pardurable , mesprise et délaisse ceste vie présente, c'est à dire que t\i n'y mettes pas ton amour et affection. Se tu veulx estre exaulcé es cieulx, humilye-toy ence monde. Se tu veulx régner avec moy en Paradis, porte ma Croix en ce monde, c'est à dire seuffre paciemment pour l'amour de moy ; car seulement ceulx qui sont serviteurs de la Croix tiennent le vray chemin de la vraye béatitude et vraye lumière pardurable.

0 mon vray Saulveur et doulx Jésus, que vostre vie estoit en ce monde aspre, estroicte, et mesprisée

du monde, pource le monde vous hayoit et persecutoit sans cause, et sans vostre desserte : donnezmoy. Sire, avec vous mespriser ce meschant monde, et ensuyr vostre vie; car ce n'est pas raison que varlet soit plus grant que son seigneur, ou le disciple soit sur son maistre. Soit vostre serviteur excercité selon que vous avez esté en vostre vie , c'est à dire seuffre et ait temptacions comme vous avez eu , car en ce est ma vie et mon salut. Quelque chose que je lyse ou estudie, fors que ce " , ne me faict point de plaisir et recreacion.

Et pource, beau filz, que tu as leu et sçays ces choses , tu seras bien eureux se tu les acomplis , c'est à dire se tu les ensuys. Celluy qui a mes commandemens en son cueur et les garde et acomplyst par Oeuvres, c'est celluy qui me ayme, et je l'aymeray, et me adjousteray moymesmes à luy, et le feray seoyr avec moy au royaulme de mon Père.

0 mon doulx Saulveur et Seigneur Jésus, soit faict comme vous avez dit et promys ; soyt ainsi fait certainement , et ainsi le puissé-je desservir ! J'ay receu de vostre main, c'est à dire par vostre inspiracion et en espérance de vostre aide, la Croix, et la porteray jusques à la mort ainsi comme vous la m'avez chargée et imposée. Vrayement la vie d'un bon moigne c'est la Croix , mais c'est de Paradis la sente * et conduyte. Puis que on la re-