Et ainsi

qu'elle soit encores impuissante à acomplir ce qu'elle loe, et pas ne soit encores en plaine lumière ou clarté de vérité , ne en parfaicte santé de ses affections.

Et de cela vient , mon Dieu , que je me dilate et me accorde à vostre loy selon l'homme de dedans, c'est assavoir selon l'esperit, et sçay que vostre mandement, c'est assavoir vostre loy est bonne et juste , et arguant et reprenant tout mal , et enseignant fouyr et éviter tout péché : mais selon la chair, c'est à dire la sensualité , je sers à la loy de péché en tant que je obeys plus à la sensualité que à raison. De cela est que j'ay bonne voulenté, mais je ne treuve point force de l'acomplir; de cela est que je propose plusieursfois faire plusieurs biens, mais pource que vostre grâce n'est présente à moy pour aider mon enfermeté et faiblesse, par une legière résistance ou empeschement qui me survient je laisse tout, et deffaultz. De cela advient que je congnois bien la voye et chemin de perfection et apparçois assez cler ce que je doy faire, mais pour la charge et pesanteur de ma propre corruption je ne me puis eslevet- aux euvres de perfection.

0 comme à moy est nécessaire vostre grâce à commencer quelque bien, et à persévérer en icelluy, et achever et le parfaire ; car sans elle ne puis-je rien faire de bien ! Et toutesfois se elle m'est présente elle me conforte et aide, je suis fort et puissant à tout. 0 vraye grâce céleste et divine, sans

202 L'Internelle

laquelle quelconques propres euvres ou mérites rien ne sont ! Rien ne sont à priser dons de nature, ars, science, richesses, beaulté, force, engin, éloquence. Sans vostre grâce, Sire, noz euvres riens ne vallent ou proffitent , car les dons de nature et biens de fortune sont communs et aux bons et aux maulvais; mais ceste grâce ou dilection est le propre don des bons, de laquelle quant ilz en sont ennoblis et signez, ilz sont dignes de la vie pardurable. Tant est prisée et estimée ceste grâce, que don de prophecie, ou faire miracles, et autres signes ou haulte elevacion de cueur ou speculacion espirituelle ne sont riens comparez à elle ; et mesme ne foy, ne espérance, ou quelconques aultres vertus ne sont plaisantes ou aggreables à Dieu sans ceste grâce.

0 tresbenoiste et digne de louenge grâce divine, qui falotes riche de vertus celluy qui est povre d'esperit , et rendez plain de tous biens celluy qui est humble de cueur, plaise-vous de descendre en mon cueur, et me remplyssez tost de vostre consolacion, afBn que mon ame ne defFaille en lascheté et arrideté de cueur! Je vous supplye Sire, et requiers que j'aye vostre grâce devant vous et miséricorde ; car pour tous biens vostre grâce me souffist, supposé que je n'aye aultre chose de tous les biens que requiert ou désire nature humaine. Se je suys tribullé ou travaillé de temptacion , je ne doubteray quelque peyne, mais que vostre grâce soit avec moy.

CONSOLACION. II. 2o3

C'est ma force, c'est ce qui me donne ayde et confort; elle est plus forte de ' tous mes adversaires ; elle est plus sage de toutes cautelles ; elle est maistresse de vérité ; elle enseigne discipline ; c'est la lumière des cueurs et solacion en adversité; elle chace tristesse et timeur ou crainte maulvaise ; c'est la nourrice de devocion , et donne larmes et gemissemens. Quelle chose suys-je sans elle, fors une busche seiche et ung estoc "^ infructueux et inutile , digne d'estre arraché et gecté hors pour ardre ou brusler. Vostre grâce, Sire, doncques tousjours me previengne et ensuyve, c'est à dire soit au commencement et à la fin de mes œuvres, et me doint '" estre toujours à bonnes œuvres entendu par voslre benoist Filz Jesuchrist. Amen.

Que nous devoîis nous mesmes délaisser, et en-

svyr Jesuchrist par la. Croix, c'est à dire

en souffrant pour Vamour de luy.

LVI° Chapitre.

eau filz , de tant que tu te pourras de- ^)l partir de toy, de tant pourras-tu estre conjoinct à moy; car ainsi comme rien quérir et désirer en ce monde fait avoir paix en soy, pareillement soy délaisser en son