I . De sorte que

bien fort et pacient quant il ne te vient point d'adversité, tu conseilles aussi tresbien les autres, et les admonnestes bien de parolles, mais tantost que quelque tribulacion ou adversité soubdainement te vient, et conseil et force et vertu te faillent. Considère ta grant fragilité, laquelle tu as souventesfoyz expérimentée en petites objections ou contrarietez. Et toutesfoyz c'est pour ton grant prouffit et salut que telle chose te vient, se en toy ne tient.

Et pource doresenavant met peyne de ester de ton cueur toute tristesse qui te vient pour ceste tribulacion, et se tu es aulcunement atteint ou frappe, garde qu'elle ne te abbate pas de tous pointz ou empesche tellement que ne la reboutes legierement. Et se tu ne la peuz encore recepvoir joyeusement , au moins reçoys - la paciemment. Et s'il advient que l'on te dye aulcune chose que tu ne veulx pas ou voulsisse " , et que tu t'en sentes indigné aulcunement au cueur, reprime en toy ceste indignacion, et ne souffre pas quelque paroUe desordonnée saillir de ta bouche, de laquelle les aultres puissent estre scandalisez, et met peyne que ceste commocion exitée en toy se rapaise; et tantost par la grâce de Dieu tu sentiras grant doulceur et paix contre la douleur que tu avoys. Considère que encores suys-je vif, prest de toy aider et reconforter plus que par avant, se tu te confies en moy, et dévotement me pries et requiers.

Ayes bon cueur et t'appareille à plus encores

t. Voulusses, voudrois.

ifroS L'Inthrnellb

soubstenir : tu n'es pas encores tout perdu se tu te sens troublé ou tempté griefvement; tu es homme, non pas Dieu ; tu es chair et non pas ange. Comment penses-tu que tu puisses tousjours demourer en ung mesme estât et vertu quant l'ange ne le peut pas au ciel, ne le preniier homme en Paradis Terrestre. Je suis celluy qui reliève les désolez et raraaine les enfermes en santé; et ceulx qui congnoissent humblement leur enfermeté et foiblesse esliève ma divinité.

0 mon Seigneur et mon Dieu, benoiste soyt vostre paroUe doulce, et plaisante à ma bouche plus que miel ! Que feray-je, Sire, en si grans tribulacions et angoisses, se vous ne me aydez et confortez par vos doulces parolles ! Que me doibt-il chaloir quelles grandes tribulacions je porte et soustiengne, mais que* je puisse parvenir au port de salut ! Donnez-moy, Sire, bonne fin, octroyezraoy que je puisse de ce monde yssir en bon estât. Souviengne-vous de moy, mon Seigneur et mon Dieu, et me conduisez le droit chemin à vostre règne. Amen.