Ordres religieux, monastères

Se leur vie eust esté concordante à leur science, ilz eussent bien estudié et proffitablement. Plusieurs périssent par vaine science du siècle, car il ne leur chaultdu service de Dieu; et car ilz ont plusaymé et esleu estre de grant nom et reputacionque humbles de cueur et de bonne vie, pource ont-ilz esté vains en leurs paroUes et pensées. Celluy est vrayement grant qui est petit en soy, c'est à dire humble, qui repute toute haultesse de honneur mondain néant, et n'en tient compte. Celluy est vrayement sage qui repute toutes choses terriennes comme fiens, mais qu'il puisse gaigner Jesuchrist. Et celluy est bien eureux qui ensuyt la voulenté de Dieu et laisse la sienne.

De avoir prudence en ses œuvres.

IIII* Chapitre.

n ne doit pas croire toute parolle ou conseil d'aultruy, ne aussi se consentir à chascun instinct ou inspiracion, c'est à dire à toute voulenté qui survient, supposé mesmes qu'il semble que ce soit bonne œuvre; mais doit-on longuement penser aux choses et les poiser ' selon Dieu et selon rayson. Helas! nous croyons plustost le mal que le bien d'aultruy, et le racomptons et le rapportons aux aultres se nous l'avons ouy dire, tant sommes-nous fresles et enclins en mal. Mais ceulx qui sont parfaitz ne