I . Ce dont elle manque pour valoir sa bonne réputation

228 L'Internelle

n'est pas à blasmer, ou quelconque congnoissance des créatures qui est bonne en soy, car elle est de Dieu créé et ordonnée; mais on doit plus aymer et eslyre et mieulx désirer bonne vie et bonne conscience. Et pource que plusieurs désirent plus sçavoir que bien vivre, c'est à dire avoir science que bonne vie, pource sont-ilz plusieurs qui errent, et peu ou nyant ont les clercz fruict de leurs sciences.

Helas ! se on mettoit aussi grant peyne et diligence à extirper les vices et péchez et acquérir les vertus que on fait à faire questions et argumens , ne se feroyent pas tant de maulx ne tant d'escandes' au monde, ne tant de dissolucions aux religions *. Pour certain, au jour du Jugement on ne nous demandera pas en quelle science nous avons estudié, mais ce que nous avons fait. On ne nous demandera pas ce que nous avons enseigné, mais se nous avons bien gardé nostre ordre ou religion. Respondzmoy, oii sont maintenant ces grans clercz et maistres que tu as veuz et as ouy parler en ton temps, qui tant comme ilz ont esté en ce monde ont eu si grant nom et ont esté si renommez et honnourez es estudes? Et maintenant aultres tiennent leurs bénéfices, et ne sçay s'il en souvient plus. En leur vie chascun parloit d'eulx, et maintenant on n'en dit mot.

0 comment est tost passée la gloire du monde !