I. Maître de soi

a36 L'iNTERNELtE

ilz ne se submettent de tout leur cueur à leur majeur pour l'amour de Jesuchrist. Va où tu vouldras, en quelque lieu ne en quelque estât tu ne trouveras parfaicte paix ou repos en ce monde fors en humble subjection à son prélat, car désirs de divers lieux et mutacions ont deceuz plusieurs religieux.

Il est vray que ung chascun ensuyt voulentiers et s'encline à ceulx qui sont de son opinion ; mais se Dieu est avec nous, et que nous le querons vrayement, il fault que pour l'amour de luy nous laissons ce propre sens et sentement pour le bien de paix. Qui est celluy qui puisse estre si saige qu'il puisse tout sçavoir? Et pource doncques ne te fye pas trop en tes sens, mais ensuy voulentiers le sens d'aultruy ; car jaçoit ce que tu ayes bonne opinion et toutesfois pour l'amour de Dieu tu la laisses et fais la voulenté d'aultruy, par ce tu proffites plus et dessers la grâce de Dieu, voyre toutesfoiz puis que ' la voulenté d'aultruy ne soyt pas contre le commandement de Dieu, et ne trait pas à péché ou contre ce que tu es tenu de faire selon ta religion.

J'ay souvent ouy dire que c'est plus seure chose ouyr et croire le conseil d'aultruy que le sien propre * ; et jaçoyt ce que le sens et oppinion d'ung chascun soit bon , toutesfois vouloir ensuyr tousjours son sens et ne croire point à aultruy, mesmement quant il y a cause et raison pourquoy on le