Qut lui donner. Ed
doit faire , c'est signe de tresgrant orgueil et presumption.
De eschever superfluité de parolles.
X* Chapitre.
if^ achève tant que tu pourras la tourbe et ;|H tumulte du monde, car sçavoir souvent ^IM les besoignes du monde et en ouyr parler empesche grandement à avoir paix et transquilité de cueur, supposé que telles parolles soyent dictes simplement et sans maulvaise intencion. Car la vanité du monde de legier ordoye l'ame et aveugle l'entendement. Et se on demande pourquoy doncques en oyons-nous si voulentiers parler et avons voulentiers telz confabulacions ensemble, jaçoit ce que à peine ou peu souvent nous departons-nous sans blecer nostre conscience , laquelle bleceure nous sentons et apparcevons quant nous nous voulons recueillir et retourner à nous et à nostre silence , je dy que c'est pource que par telles collocucions et confabulacions ensemble nous querons consolacions exteriores et aulcunes sublevacions des temptacions que par adventure nous soustenons au cueur, et prenons plaisir à parler de ce que nous avons moins ou desirons , supposé qu'il nous soit contraire à nostre propos et contre l'intencion de nostre estât.
Mais ceste consolacion nous est trescontraire , car elle est tresnuysante à la consolacion divine,
a38 L'InTERNELLB
Et pource nous deussions adviser et prier que nous ne perdions pas nostre temps. Aumoins s'il nous est licite et expédient de parler, parlons des choses qui soyent de edificacion. Deux choses sont qui font et empeschent • moult à garder mal sa langue, c'est assavoir maulvaise acoustumance et négligence de profiBter. Et par le contraire bonne acoustumance et désir de proffiter font et vallent moult k bien garder sa langue. Et aussi vault moult et proffite à acquisicion de vertus et paix de cueur parler de devocion et de proffit espirituel , mesmement quant on est avec gens de tel estât et propos.
De acquérir paix de cueur et avoir jalousie de proffiter.
XI" Chapitre,
ous pourrions legierement avoir paix se nous ne nous occupions pas en faiz et ' y en parolles qui n'appartiennent pas à nostre estât, car comme ' pourra celluy paix avoir qui se mesle des besoignes d'aultruy, qui quiert occasion d'estre souvent dehors, qui peu souvent ou rien se recolige en soy. Bonnes simples gens qui ne pensent à nul mal sont bien eureux , car ilz ont tousjours paix du cueur.
Pour laquelle cause aulcuns saintz ont esté tant contemplatifz et eslevez en l'amour de Dieu? Pource
I. Font, par leurs entraves, qu'on garde mal, etc. a. Comment.
qu'ilz se sont estudiez à eulx mortifier de tous désirs terriens , et de tout leur cueur ont tendu à eulx joindre à Dieu par amour et vacquer de tous pointz à penser à luy. Et pource que peu souvent nous efforçons à vaincre parfaictement noz péchez, non pas seullement ung, ne aussi à proffiter, pource demourons-nous tousjours tepides, remys et negligens.
Mais se nous mettions peine de nous mortifier, et que ne nous appliquissions pas en ces besoignes terriennesetmondaines, lors pourrions-nous aulcune chose sentir de Dieu, et par contemplacion expérimenter de la doulceur celestielle. Et le plusgrant empeschement que nous ayons à ce sont noz passions et concupiscences, desquelles nous ne nous efforçons pas de nous depescher, et ne prenons ardamment le chemin des saintz Pères passez. Et se nous commençons aulcun bon propos acomplir et mettre à effect, et il ' nous vient aulcune adversité, tantost nous laissons tout et retournons à avoir consolacions terriennes.
Mais se nous nous efforcions de fort combatre et estre fermes et stables en cest assault, tantost nous appercevrions l'aide de Dieu , car il est tout prest à aider à ceulx qui pour l'amour de luy se combatent fort et ont en luy leur seuUe espérance. Et pource nous donne-il et seuffre venir les assaulx des temptacions, affin que nous ayons occasion de
1. Le mot se du membre de phrase précédent est sous-entendu, « et se il nous vient. »
*4o L'Internelle
combatre, et par son aide nous puissions vaincre et surmonter, et que nous soyons couronnez et rémunérez de nostre victoire.
Se nous mettons nostre fin de perfection de religion en ses observances exteriores, nostre devocion tantost finera. Mais venons à la racine, c'est assavoir à la cause pourquoy elles sont ordonnées, laquelle si est ' affin que nous nous purgeons et nectoyons des vices et passions, et puissions avoir et acquérir paix de cueur et purité de conscience.
Se nous mettions peine et diligence de extirper de nous, et arracher aumoins ung vice parfaictement ou une passion mortifier tous les jours *, nous viendrions tantost à perfection. Mais souvent est, par le contraire, que nous valions mieulx et estions plus devotz et fervens au commencement quant nous venismes en religion, que nous ne faisons grant temps après nostre profession, et que nous y avons longuement demeuré. Et quant nostre ferveur devroit tousjours croistre et nostre devocion, nous reputons maintenant grant chose et loe l'on celluy qui peult persévérer en sa première ferveur et la garder en son estât. Se nous nous faisions violence au commencement, lors nous ferions après toute chose legierement et à grant joye.
C'est forte chose de laisser sa coustume ancienne, mais c'est plusforte chose de laisser sa propre voulenté. El se tu ne peuz vaincre et surmonter les le-
