Enlevé

248 L'Internelle

Mais souvent a au cueur dedens aulcune affection par laquelle, par ce qui nous vient au devant, nous sommes tirez ou d'ung costé ou d'aultre, c'est assavoir à juger et interpréter ou en bien ou en mal. Plusieurs cuydentbien congnoystreleur conscience, et n'y scevent advenir à l'encercher bien au vif ou l'examiner. Il leur semble qu'ilz sont en bonne paix de conscience quant les choses viennent à leur bon plaisir, et que on ne les courrouce point ou trouble ; mais se d'aventure on leur fait ou dit aulcune chose contre leur voulenté , plaisir ou atfection , tantost se troublent et contristent. Et de ceste contristacion ou conturbacion ilz ne attribuent pas la cause à eulx mais aux aultres ; et pource souvent adnent noyse et discencion entre amys et voisins, et mesmes religieux et devez, pour la diversité des voulentez et oppinions.

Car quant une personne a acoustumé longuement à tenir et ensuyr son oppinion et voulenté, à grant peyne la peult-il laisser, pource que l'ancienne et vieille acoustumance à grant peyne peult estre délaissée , et à grant difficulté peult-on aulcun faire aller contre sa voulenté. Se tu te confies plus en ton oppinion ou industrie que à rayson subjecte à Jesuchrist, à peine ou jamais seras-tu enluminé de Dieu; car Dieu veult que nous soyons parfaictement subjectz à luy à ce que nostre sens, entendement , oppinion et tous noz membres soyent en flambez de son amour.

Des œuvres faictes par charité.

XV Chapitre.

n ne doit faire péché pour quelque chose que ce soit au monde guaigner, ou pour quelque affection ou amour que ^ on ayt à aultruy ; mais on peult bien, aulcunesfoiz laisser ou différer à faire aulcun bien pour le proffit d'aultruy, ou aussi pour faire aultre plusgrant bien après : car par ce on ne destruit pas le bien , mais on le change en meilleur. Sans charité ne peut quelque bien profBter à celluy qui le fait ; mais si petit bien n'est , que s'il est fait en charité et par charité, qu'il ne proffite tresgrandement à celluy qui le fait. Car Dieu n'a mestier de nous ne de noz biens ; et pource il ne regarde pas la grandeur du bien que on lui fait ou donne.

Celluy luy donne grant chose qui de grant cueur Tayme ; celluy fait bien bonne oeuvre qui fait bien ce qu'il fait, qui veult et désire plus le bien d'aultruy et le proffit commun , que servir à sa propre voulenté et plaisir, et l'acomplyr. Souventesfoyz advient que aulcuns semblent faire ce qu'ilz font par charité, c'est à dire pour l'amour de Dieu simplement, et toutesfoyz c'est charnalité et aultre affection ou entencion corrompue, comme inclinacion naturelle à ses parens, ou aulcuns autres que on ayme de long temps , et pour aulcuns services

25o L'Internelle

et plaisirs qu'ilz ont aultresfoyz faitz , ou pource que la voulenté s'encline plus à telle œuvre faire, ou pour aulcune retribucion et profïit temporel et service que on a espérance qu'ilz feront, ou pevent faire au temps advenir.

Mais celluy qui a vraye et parfaicte charité n'a quelque regard que ce soit, ne à soy, ne à son proffit ou louenge ; mais seullement en ses œuvres quiert et désire la gloire de Dieu. Il n'a point d'envie sur aultruy, car il ne désire point sa louenge privée ou propre. Il ne veult point estre loé en ses œuvres ; et pource, se on le loe , il retourne toute la louenge à Dieu , duquel il scet bien que tous les biens viennent, qui est fontaine de tous biens, au quel les saintz ont finablement leur seul repos. 0 qui auroit une petite estincelle de ceste amour et charité , certainement non pas seullement reputeroit, mais sentiroit tous les biens de ce monde non estre que vanité et niant !

De souffrir et porter pacîemment les deffauttes et meurs d'aultruy.

XVP Chapitre.

a personne doit avoir bonne pacience es maux qu'il seuffre et porte en soy pour l'amour d'aultruy, se par soy il no y peult mettre aulcun remède, jusques à ce que Dieu aura aultrement ordonné. Car il doit penser et adviser que par ce Dieu veult sçavoir

CONSOLACION III. 25l

et approuver sa pacience, sans laquelle ses mérites sont de peu de pris, et aussi peu vallent. Toutesfoys tu luy dois prier qu'il luy plaise à y mettre remède selon ce qu'il scet que besoing te est , et qu'il te doint grâce de ce porter paciemment.

Se il te semble que aulcun fait mal, et est de maulvaise vie , tu le dois admonester une foiz ou deux; et s'il ne te veult croire, ne te courrouce pas à luy ou le temptes', especialement se tu n'as la charge ou le gouvernement ne corporel ne espirituel de luy. Mais attens-toy de ce à Dieu, en luy priant que sa voulenté soit faicte , et son honneur gardé en toutes ses créatures, car il scet bien faire et convertir le mal en bien. Estudie-toy d'avoir en toutes adversitez pacience , et porter paciemment les deffaultes et enfermetez d'aultruy, et pense que aussi tu as en toy plusieurs deffaultes qu'il convient que les aultres seuffrent , et portent paciemment. Se tu n'es pas encores ou ne te peuz faire tel comme tu vouldroys , comment pense-tu que tu faces des aultres à ta voulenté ? Nous voulons bien que tous noz compaignons soyent parfaitz, mais nous ne nous voulons amender nous mesmes, ou au moins nous n'y mettons pas peyne ou diligence d'en faire ce que en nous est.

Nous voulons bien que les aultres soyent pugnys, et corrigez tresfort et aigrement reprins ; mais

I. L'édit. de 1498 donne a ou te tentes ». Le mst. traduit littéralement le latin : » Ne voelles plus contendre ou arguer avec luy. >'

a5a L'IntERNELLE

nous ne nous amendons pas, et ne povons souffrir correction ou reprehencion. Il nous desplaist se on fait aux aultres aulcunes grâces et relaxacions, mais il nous est grief se on ne nous ottroye ce que nous voulons. Nous voulons tresbien que on face des ordonnances et status contre les aultres , mais nous ne povons souffrir que on nous restraingne tant soit peu, et par ce il appert que nous ne pesons pas noz frères comme nous, mais voulons avoir, comme on scet dire ' , ung droit pour nous et ung aultre pour noz voisins. Se tous estoyent parfaitz, nous n'aurions qui nous excercitast, et par qui nous souffrissions pour l'amour de Dieu.

Mais ainsi a Dieu ordonné qu'il en y ait de divers estatz et condicions , affin que nous apprenons à porter les meurs et deffaulx l'ung de l'autre; car il n'y a celluy où il n'y ait à dire, et qui n'ait aulcune chose qu'il fault souffrir et porter en luy. Il n'y a celluy qui soit souffisant pour soy gouverner en toutes choses , qui n'ait mestier ou besoing d'aultruy, ou en conseil , ou en aide , ou en biens. Et pource on doit porter l'ung l'autre, reconforter, aider, enseigner, conseiller, et admonnester voulentiers et en charité, jaçoit ce que ung chascun se doye efforcer de estre tel qu'il y ait le moins à porter en lui qu'il pourra *, aumoins en meurs. Et quelle est une personne de force et vertu

t. " Comme on seuil dire », comme on a l'habitude de dire. Édit. de i4g8.

ï. D'être le moins difBcile à vivre qu'il pourra.

CONSOLACION III. a53

espirituelle, on le congnoist mieux en adversité que en prospérité ; car l'occasion de la tribulacion ou adversité ne fait pas l'homme foible à résister, mais elle demonstre quel il estoit par dedans, et que la pacience qu'il demonstroit par dehors de luy ne venoit pas, mais pource qu'il n'avoit point d'aversité.

De la vie monastique ou de religion.

XVIP Chapitre.

ui veult profiter en religion , et vivre en icelle comme ung vray religieux , il //( fault qu'il mette peine de se mortifier, et ses propres désirs et plaisances, rompre sa propre voulenté, s'il veult avoir paix et la garder en soy et à ses compaignons. Ce n'est pas petite chose de demeurer et vivre au monastère, et en religion , sans quelque mauvais nom ' , et loyaulment persévérer en ycelluy jusques à la mort. Bien heureux est celluy qui bien y vit et perseveramment. Et se tu y veulx demeurer et proffiter, repute-toy comme estrangier et pèlerin en ce monde. Se tu veulx mener vie religieuse, il convient que tu soyes fol pour l'amour de Dieu.

L'abit et la couronne * ne font pas le moyne,mais parfaicte mutacion de ses meurs et de ses condicions et passions font le vray moyne ou religieux.