I. Tellement que

258 L'Inteunelle

nous le devons souverainement craindre et honnorer en quelque lieu que nous soyons, et purs et nectz comme les angelz estre devons en sa présence. Chascun jour nous devons renouveller nostre bon propos, et nous excerciter à saincte ferveur et désir, comme se chascun jour nous commencions nostre conversion, et en priant dire à Nostre Seigneur ainsi : Mon doulx Seigneur et Dieu tout puissant, plaise-vous moy ayder en ce bon propos que vous m'avez donné en vostre saint service, et me donnez aumoins au jourd'uy bien commencer, car ce que jusques à aujourd'uy j'ay faict est moins que néant. Et selon nostre bon propos soit le cours de nostre proffit, car besoing est d'avoir grant diligence à ceulx qui veullent proffiter. Se celluy qui pense souvent à son bon propos , et mect peine de le garder, plusieursfoiz fault, que sera-ce de celluy qui ne pense point, ou peu souvent, et qui ne propose rien fichement • ou fermement. En diverses manières advient que nous laissons nostre bon propos ; et car mesmement une legière et petite obmission de nostre bonne acoustumauce n'est point , ou à grant peine, sans nostre grant dommaige espirituel. Le proffit et propos des bons est plus fiché en la grâce de Dieu, en laquelle tousjours se fient, que en leur force et prudence. Car tousjours quelque chose que l'homme propose. Dieu tousjours le dispose ; et la vie ou proffit d'une personne n'est pas en soy, mais en Dieu.