Avec fixité

CONSOLACION. III. aSg

Se pour cause de charité ou pour le proffit de son prouchain on laisse aulcunesfoiz quelque chose de sa bonne acoustumance, c'est à dire qu'on ne vacque pas tant ou si longuement à orayson , ou meditacion , ou quelque aultre excercice espirituel que on avoit acoustumé, de legier après le peut -on recouvrer. Mais se on le laisse par ennuy, ou lascheté, ou paresse, c'est mal et reprehensible , et à peyne se peut-on remettre. Et detant qu'on l'aura laissé plus longuement , detant aura l'on plus de peyne à s'i remettre , et y trouvera l'on plus de difficultez. Et pource efforçons - nous leplus que nous pourrons, car encores legierement trouveronsnous occasion de faillir. Si * proposons ou pensons tousjours aulcune chose de bien, et mesmement à ce que nous appercevons qu'il nous est plus expédient. Nous devons en tous temps considérer noz operacions exteriores et pensées du cueur, et les ordonner ou applicquer à ce qui nous est plus nécessaire et salutaire.

Et se nous ne povons pas continuellement avoir ceste consideracion et recolection ou union de noz pensées , au moins ayons la aulcunesfoyz , et par especial deux foyz le jour, c'est assavoir au malin en proposant nous garder par la grâce de Dieu, et disposant comme nous occuperons nostre temps à la louenge de Dieu et au salut de noz âmes; et au soir en advisant comment et à quoy nous avons fait