I. Apprens à maintenant mourir

ajS L'InTERNELLE

A qui souviendra-il de toy après ta mort, ou qui priera pour toy? Et pource, chier amy, faiz maintenant ce que tu pourras de bien. Car tu ne scez quant tu mourras ne quelle chose te adviendra après ta mort. En tant que tu as loisir, assemble les richesses immortelles; ne pense que à ton salut. Ne pense que à Dieu , et à ce qu'il lui plaist acomplir. Acquiers maintenant amys les saintz de Paradis en les servant et honnourant , et ensuyvant leur vie, afïin que quant ceste vie te sera faillie ilz te veuillent recepvoir es mansions pardurables.

Soyes en ce monde comme ung pèlerin et estrangier à qui il n'appartient, et ne chault, et ne s'entremesle point des besoignes du pays où il est, ou par lequel il passe. Garde ton cueur franc et despeché envers Dieu par bonnes meditacions ; car tu n'as pas icy certaine ou longue demourance. Adresse là tes oraysons et prières quotidiennes en lermes et gemissemens, afBn que après la mort ton esperit puisse franchement aller, et eureusement entrer en la gloire de Paradis.

Du Dernier Jugement , et des peynes des pécheurs.

XXIIIP Chapitre.

n toutes tes œuvres regarde la fin , et

pense comment tu te oseras comparoyr

devant le juste et vray Juge , à qui on

*É> ne peut rien celer, lequel on ne peut par

dons appaiser ne corrompre, qui à celle heure ne reçoit point d'excusacions, mais jugera selon que sera droit et rayson. 0 tresmeschant et sot pécheur, que repondras-tu lors à Dieu qui scet tous tes péchez , quant tu doubtes aulcunesfoyz tresfort ung aultre homme en ce monde, qui est courroucé contre toy, voyre quant tu scez qu'il a puissance de soy venger de toy à son plaisir ! Pourquoy doncques ne te pourvoyes-tu au jour du Jugement, que l'ung ne pourra excuser l'autre ne deffendre, mais ung chascun portera son fays et sa charge ! Et pource le présent labeur que feras en ce monde est à toy méritoire, les lermes à Dieu agréables, le gémissement exaudible ' ; la douleur peut satisfaire et purger.

Grant purgatoire et salutaire est à celluy qui, quant il seuffre aulcune tribulacion ou quelque mal, il a plusgrant douleur et compassion de la malice de celluy qui luy fait que de son injure propre, qui prie de bon cueur pour ceulx qui luy sont contraires , qui leur pardonne de bon cueur leurs deffaultes, qui legierement et voulentiers demande pardon à aultruy, qui est plus enclin à pardonner que à se courroucer, qui souventesfoyz se fait violence contre ses maulvaises inclinacions , et se efforce de subjiiguer la chair à l'esperit. Il vault trop mieulx maintenant purger et nettoyer ses péchez et arracher ses vices , que attendre qu'ilz