I. D« conatien grand, de quel grand

CONSOLACION. m. 277

ger tu te peuz oster et despecher, se tu te tiens maintenant en bon estât , et que tu soyes suspect de la mort , c'est à dire que tu penses que par adventure maintenant viendra. Estudie-toy de tellement vivre pour le i)resent que de la mort tu te puisses plus esjouyr que avoir paour. Apprens à de présent mourir * au monde , affin que lors tu puisses commencer à vivre en Dieu. Appren à toy mespriser et humilier pour le présent, et recongnois ta fragilité et misère, d'où tu es venu , et que tu deviendras, affin que tu puisses lors esvoler à Dieu. Chastie et macère maintenant ton corps par jeunes et abstinences, et fay pénitence en demandant pardon et miséricorde de tes péchez, affin que lors tu puisses avoir fiance en Dieu.

0 grant folie se tu penses icy longuement vivre, car tu n'as icy quelque jour certain ! Plusieurs ont esté en ce deceuz, qui sont partis du corps quant Hz n'y pensoyent pas. Plusieursfoyz as-tu ouy racompter que l'ung a esté tué par glaive, et l'autre a esté noyé; et l'autre en cheant du hault en bas c'est rompu le col ; l'autre en mengeani c'est estranglé; l'autre en jouant est soubdainement mort. L'ung a esté ars, l'aultre par pestilence ou par aultre maladie a fine sa vie; les aultres par les larrons meurtriers sont occis. Et ainsi est la mort la fin de la personne ; et la vie de l'homme est comme ung pou de umbre qui tosl se passe.