Science

282 L'Internelle

que tous les trésors du monde. Lors plus reconfortera dévote orayson que précieuses viandes et grans disners. Lors tu auras plus de joye d'avoir gardé ta silence que d'avoir longuement janglé et parlé. Lors proffiteront plus bonnes œuvres que belles paroUes et aornées. Lors plus proffitera avoir mené estroicte vie, et fait grant pénitence, qu'avoir prins les plaisirs et delectacions terriennes. Se tu apprens maintenant à ung peu souffrir, tu pourras lors estre délivré de plus grans et griefz tourmens. Esprouve-toy icy en ce qu'il te fauldra après par delà souffrir : se tu ne peuz icy ung peu souffrir, comme pourras-tu porter les tourmens pardurables ! Se une petite angoisse ou douleur te fait maintenant si impacient , que te fera le tourment d'Enfer I Je te prometz que tu ne peuz avoir les deux joyes, c'est assavoir cy en ce monde avoir tes plaisirs et delectacions, et là en Paradis régner avec Jesuchrist.

Si jusques au jourd'huy tu avoys esté et vescu, depuis le commencement du monde, en grans honneurs et plaisirs et delectacions corporelles et mondaines , que te proCBteroit tout se tu devoys maintenant mourir et estre dampné perpétuellement ! Et pource en ce monde est toute vanité, fors que aymer Dieu et luy servir tantseullement. Car qui ayme Dieu de tout son cueur, il ne doubte ne mort, ne peyne, ne tourment, ne le Jugement, ne Enfer, ne quelconque aultre chose ; car parfait amour luy donne seur accès et fiance envers Dieu.

Mais celluy qui encores prent plaisir à pécher et s'y delicte, n'est pas merveilles s'il double la mort et le Jugement; et c'est pource qu'il n'a pas fiance ne espérance à son saulvement, pour le remors de sa conscience. Mais toutesfoyz c'est aucun commencement de bien que, supposé que ne te abstiengnes pas de péché, ne de mal faire, pour l'amour de Dieu purement, que au moins tu t'en abstiengnes pour la crainte et paour de la peyne. Jaçoit ce que celluy qui se abstient plus pour la paour de la peyne que pour l'amour de Dieu ne pourra pas longuement en bien persévérer, mais de legier cherra et tombera es las de l'Ennemy; car il n'a pas la grâce de Dieu, laquelle seullement fait persévérer en bien et acomplyr son bon propos.

De la ferveur que on doibt avoir à amejider toute sa vie,

XXV Chapitbe.

oyes doncques esveillé ou diligent au service de Dieu, et pense tousjours pourquoy tu es venu en religion, et pourquoy tu as laissé le monde et les biens d'icelluy. N'y es-tu pas venu affin que ta vie fust ordonnée au service de Dieu, et que tu fusses fait espirituel, qui par avant estoyes charnel. Et pource soyes fervent et diligent à proffiter ; car en brief tu recepveras le loyer de ton labeur et n'auras plus en toy ne paour, ne crainte, ne quelconque douleur.

284 L'Internellu

Maintenant tu auras ung peu de peyne et rfe travail, mais après tu trouveras repos, paix et perpétuelle lyesse. Se tu persévères fervarament et loyaulment en labourant , sans nulle double Dieu te sera véritable et riche et habondant en te payant. Tu dois tousjours avoir ferme espérance de la retribucion ; mais pource ne dois-tu pas prendre telle asseurance que tu soyes négligent, ou que tu t'en orgueillisses, car Dieu t'en laisseroit.

On racompte d'ung qui estoit en grande variacion de son estât, entre paour et espérance, et eust* voulentiers sceu ' s'il seroit saulvé ou dampné. Une foiz ainsi qu'il estoit pour ceste cause en grant tristesse et douleur de cueur, il s'en entra en une église et se prosterna ou agenoilla devant l'autel en disant : Beau sire Dieu, se je peusse sçavoir que je fusse saulvé 1 Comme s'il voulsist dire qu'il feroit plusieurs grans biens, et serviroit Dieu dévotement. Et tantost il ouyt une voix qui luy dist : Se tu le sçavoys que feroys-tu? Fay maintenant ce que tu vouldroys lors faire, et tu seras asseuré de ton saulvement. Et tantost il fut moult reconforté, et se remist à la miséricorde de Dieu, et fut délivré de ceste angoisse et tristesse. Et oncques depuis ne se efforça de sçavoir ce qui luy estoit à advenir, mais seuUement quelle estoit la voulenté de Dieu, à laquelle parfaire et acomplyr se efforça de tout son povoir, en toutes bonnes operacions soy excercitant.